ஈரோடு மாவட்டத்தில் ஒரே நாளில் 25,667 பேருக்கு கொரோனா தடுப்பூசி

தமிழகம் முழுவதும் நேற்று 36-வது கட்ட மெகா கொரோனா தடுப்பூசி முகாம் நடைபெற்றது. அதன்படி, ஈரோடு மாவட்டம் முழுவதும் 1,597 இடங்களில் மெகா தடுப்பூசி முகாம் நடந்தது. இந்த முகாம்களில் காலை 7 மணி முதல் இரவு 7 மணி வரை பொதுமக்கள் ஆர்வமாக வந்து‌ கொரோனா‌ தடுப்பூசி செலுத்தி கொண்டனர். இதில் 448 பேருக்கு முதல் தவணையும், 13 ஆயிரத்து 459 பேருக்கு 2-ம் தவணையும், 11 ஆயிரத்து 760 பேருக்கு 3-ம் தவணையும் தடுப்பூசி செலுத்தப்பட்டது. இதன் மூலம் நேற்று ஒரேநாளில் 25 ஆயிரத்து 667 பேர் தடுப்பூசி செலுத்தி கொண்டது குறிப்பிடத்தக்கது.