ஈரோடு மாவட்ட வேலை வாய்ப்பு மையத்தில் பயின்ற 25 மாணவர்கள் டிஎன்பிஎஸ்சி குரூப் 2, 2ஏ முதன்மை தேர்வுக்கு தகுதி

ஈரோடு மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தில் பயின்ற 25 மாணவர்கள் டிஎன்பிஎஸ்சி குரூப் 2, 2ஏ தேர்வில் தேர்ச்சி பெற்றுள்ளனர் என்று மாவட்ட ஆட்சியர் ராஜ கோபால் சுன்கரா தெரிவித்துள்ளார்.

ஈரோடு மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தில், தமிழ்நாடு அரசுப் பணியாளர் தேர்வாணையத்தால் நடத்தப்படும் டிஎன்பிஎஸ்சி குரூப் 2, குரூப் 2 ஏ முதல் நிலைத் தேர்வுகளுக்ககான இலவச பயிற்சி வகுப்பு நடத்தப்பட்டதில், 25 பேர் தேர்ச்சி பெற்று முதன்மைத் தேர்வுக்கு தகுதி பெற்றுள்ளனர்.

தற்போது, ஈரோடு மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தில், டிஎன்பிஎஸ்சி குரூப் 2, 2ஏ முதன்மைத் தேர்வுகளுக்கான இலவச பயிற்சி வகுப்புகள் இன்று (டிச.23) முதல் துவக்கப்பட்டு, சிறப்பான பயிற்றுநர்களை கொண்டு ஆங்கிலம் மற்றும் தமிழ் வழியில் நடத்தப்பட்டு வருகிறது.

ஈரோடு மாவட்டத்தைச் சார்ந்த தற்போது டிஎன்பிஎஸ்சி குரூப் 2, 2ஏ முதல் நிலைத் தேர்வில் தேர்ச்சி பெற்ற ஆண், பெண் இருபாலர்களும் முதன்மைத் தேர்விற்கான இலவச பயிற்சி வகுப்பில் கலந்து கொண்டு இவ்வாய்ப்பினை பயன்படுத்திக் கொள்ளலாம். மேலும் விவரங்களுக்கு 0424-2275860, 9499055943 என்ற எண்ணை தொடர்பு கொள்ளலாம் என்று ஈரோடு மாவட்ட ஆட்சியர் ராஜ கோபால் சுன்கரா தெரிவித்துள்ளார்.