கோவையில் 514 பேருக்கு கொரோனா தொற்று - 12 பேர் பலி

கோவை மாவட்டத்தில் கொரோனா பாதிப்புகள் குறைந்து வந்தாலும், தமிழ்நாட்டில் தினசரி கொரோனா பாதிப்புகளில் தொடர்ந்து முதலிடத்தில் நீடித்து வருகிறது.

கோவை மாவட்டத்தில் இன்று 514 பேருக்கு கொரோனா தொற்று பாதிப்புகள் உறுதியாகியுள்ளது. இதனால் இதுவரை பாதித்தவர்களின் மொத்த எண்ணிக்கை இரண்டு இலட்சத்து 19 ஆயிரத்து 504 ஆக உயர்ந்துள்ளது. மருத்துவமனைகள் மற்றும் சிகிச்சை மையங்களில் 4236 பேர் சிகிச்சை பெற்று வருகின்றனர்.

நாள்தோறும் சிகிச்சை பெற்று வருபவர்களின் எண்ணிக்கையும் படிப்படியாக குறைந்து வருகிறது. இன்று கொரோனா தொற்றில் இருந்து 942 பேர் குணமடைந்து வீடு திரும்பியுள்ளனர். இதனால் குணமடைந்து வீடு திரும்பியவர்களின் மொத்த எண்ணிக்கை 2 இலட்சத்து 13 ஆயிரத்து 227 பேராக உயர்ந்துள்ளது.

கொரோனா தொற்றால் இன்று 12 பேர் உயிரிழந்தனர். மாவட்டத்தில் இதுவரை உயிரிழந்தவர்களின் எண்ணிக்கை 2041 ஆக உயர்ந்துள்ளது என்று, சுகாதாரத்துறை அறிக்கையில் தெரிவிக்கப்பட்டுள்ளது.