கோவையில் பிரபல உணவக ஊழியரின் இருசக்கர வாகனம் பட்டப்பகலில் திருட்டு

Crime News Tamil- கோவை லட்சுமி மில்ஸ் பகுதியில் ஆனந்தாஸ் உணவகம் செயல்பட்டு வருகிறது. இதில் பாப்பநாயக்கன்பாளையத்தைச்சேர்ந்த பன்னீர்செல்வம் என்பவர் எலக்ட்ரீசியனாக பணியாற்றி வருகிறார். இதனிடையே சம்பவத்தன்று இவர் தனது இருசக்கர வாகனத்தை உணவகத்தின் பின்புறம் உள்ள இருசக்கர வாகன நிறுத்துமிடத்தில் நிறுத்தி விட்டு வேலை செய்துகொண்டிருந்தார்.பணி முடிந்து திரும்பி சென்ற பன்னீர் செல்வம், நிறுத்தப்பட்ட இடத்தில் தனது இருசக்கர வாகனம் மாயமானதைக்கண்டு அதிர்ச்சியடைந்தார். இதனையடுத்து உணவகத்தில் இருந்த சி.சி.வி.டி. காட்சிகளை ஆய்வு செய்த போது அதில் மர்ம நபர் மர்ம நபர் சாவகாசமாக வந்து இருசக்கர வாகனத்தை திருடிச்செல்லும் காட்சிகள் பதிவாகியுள்ளன. இந்த சி.சி.டி.வி. காட்சிகளின் அடிப்படையில் பன்னீர் செல்வம் பந்தயச்சாலை காவல் நிலையத்தில் புகார் அளித்தன் பேரில், வழக்கு பதிவு செய்த போலீசார் இருசக்கர வாகனத்தை திருடிச்சென்ற நபரை தேடி வருகின்றனர்.

இதேபோன்று நீலிகோணம்பாளையத்தைச்சேர்ந்த சண்முகம் என்ற முதியவர் கோவை அரசு மருத்துவமனை அருகிலுள்ள அம்மா உணவகம் முன்பு தனது இருசக்கர வாகனத்தை நிறுத்தி விட்டு மருந்து வாங்க சென்றுள்ளார். திரும்பி வந்து பார்த்த போது தனது இருசக்கர வாகனம் மாயமாகி இருந்த்தால் அதிர்ச்சியடைந்த முதியவர் இது தொடர்பாக பந்தயச்சாலை போலீசாரிடம் புகார் அளித்தார். அதன்பேரில் வழக்கு பதிவு செய்த போலீசார் விசாரித்து வருகின்றனர்.கடந்த சில நாட்களாக கோவை மாநகரில் இருசக்கர வாகனங்கள் திருட்டு அதிகரித்து வருவது பொதுமக்களிடம் அச்சத்தை ஏற்படுத்தியுள்ளது.

அடுத்த முக்கியமான செய்திகளை தெரிந்துகொள்ள: Click Here-1, Click Here-2