உள்ளாட்சித் தேர்தல் பணியாளர்களுக்கு பயிற்சி வகுப்புகள்

நகர்புற உள்ளாட்சி தேர்தல் பிப்ரவரி மாதம் நடைபெற உள்ளதை முன்னிட்டு தேர்தல் பணிகள் தீவிரமாக நடைபெற்று வருகிறது. இந்நிலையில் கோவையில் தேர்தல் பணியாளர்களுக்கான பயிற்சி வகுப்புகள் நடத்தப்பட்டு வருகிறது. கோவை மாநகராட்சியில் 5 மண்டலங்களில் இன்று பயிற்சி வகுப்புகள் நடத்தப்பட்டு வருகிறது. பயிற்சி வகுப்புகளுக்கு வரும் தேர்தல் பணியாளர்களுக்கு வாக்களிக்கும் கருவிகள் குறித்தும் தேர்தல் நடைமுறை குறித்தும் விளக்கமளிக்கப்பட்டது. பயிற்சி வகுப்புகளுக்கு வருபவர்கள் கட்டாயம் முககவசம் அணிந்திருக்க வேண்டுமெனவும் அறிவுறுத்தப்பட்டுள்ளது. அதே சமயம் 2 தவணை தடுப்பூசி செலுத்தி 90 நாட்கள் முடிவடைந்தவர்களுக்கு பூஸ்டர் டோஸ் தடுப்பூசியும் செலுத்தப்படுகிறது.