/* */

கோவையிலிருந்து ஷீரடிக்கு தனியார் ரயில் சேவை தொடக்கம்

Private train service from Coimbatore to Shirdi

HIGHLIGHTS

கோவையிலிருந்து ஷீரடிக்கு தனியார்  ரயில் சேவை தொடக்கம்
X

கோவையிலிருந்து ஷீரடிக்கு சிறப்பு ரயில் இன்று துவங்கியது

கோவையிலிருந்து ஷீரடிக்கு சிறப்பு ரயில் செவ்வாய்க்கிழமை துவங்கியது.

மகாராஷ்டிரா மாநிலம் ஷீரடியிலுள்ள சாய்பாபா கோவிலுக்கு, இந்தியாவின் பல்வேறு மாநிலங்களிலிருந்தும் லட்சக்கணக்கான பக்தர்கள், ஆண்டு முழுவதும் ஆன்மிகச் சுற்றுலா செல்கின்றனர். பல்வேறு மாநிலங்களிலிருந்து ரயில்கள் இயக்கப்படுகின்றன.

கோவையிலிருந்து ஷீரடிக்கு நேரடி ரயில் போக்குவரத்து இயக்க வசதி செய்ய வேண்டுமென கோரிக்கை விடுக்கப்பட்டு வந்தது. இந்நிலையில், ஷீரடிக்கு ஐந்து நகரங்களிலிருந்து தனியார் ரயில்களை இயக்குவதற்கு, பிரதமர் மோடியின் 'பாரத் கவுரவ்' என்ற திட்டத்தின் கீழ், ரயில்வே துறை அனுமதி அளித்தது. இதில், கோவையும் இடம் பெற்றுள்ளது.

கோவையிலிருந்து ஷீரடிக்கும், ஷீரடியிலிருந்து கோவைக்கும் வாராந்திர ரயில் இயக்கப்படவுள்ளது. ஆந்திரா மாநிலம், மந்த்ராலயா வழியாகச் செல்வதால், அங்கு செல்லும் பக்தர்கள் இரண்டு கோவில்களுக்கும் செல்ல உதவியாக இருக்கும். இந்த ரயில் முதல் முறையாக தனியாரால் இயக்கப்படவுள்ளது. மிகவும் துாய்மையாகவும், சர்வதேச தரத்திலான விருந்தோம்பலுடனும், இந்த ரயிலின் சேவை அமையுமென்று, ரயில்வே அதிகாரிகள் தகவல் வாயிலாக தெரிவிக்கின்றனர்.

இதையடுத்து கடந்த வாரம் முதல் ரயிலுக்கான டிக்கெட் விற்பனை துவங்கியுள்ளது. கோவையில், ஐந்து, திருப்பூர், ஈரோட்டில், தலா ஒரு இடத்திலும் டிக்கெட் கிடைக்கிறது. இதுதவிர, கோவை, சேலம், ஈரோடு, திருப்பூரில் உள்ள அனைத்து சாய்பாபா கோவில்களிலும், டிக்கெட் கிடைக்கும் என தெரிவிக்கப்பட்டு இருந்தது.

இந்த நிலையில் மத்திய அரசு ரயில் சேவையும் தனியார் பங்களிப்புக்கு அனுமதி தந்திருக்கின்றனர். அதனடிப்படையில் கோவை - சீரடி தனியார் ரயில் சேவை செவ்வாய்க்கிழமை முதல் தொடங்கியது. வட கோவை ரயில் நிலையத்தில் மாலை ஆறு மணிக்கு பயணிகளுடன் இரயில் புறப்படுகின்றது.ஷீரடிக்கு 5 நகரங்களில் இருந்து தனியார் ரயில்களை இயக்குவதற்கு பிரதமர் மோடியின் 'பாரத் கௌரவ்' என்ற திட்டத்தின் கீழ் ரயில்வே துறை அனுமதி அளித்ததன் அடிப்படையில் கோவையிலிருந்தும் இரயில் இயக்கப்படுகின்றன.மேலும் முதல் தனியார் ரயிலை கோவையைச் சேர்ந்த எம் என் சி பிராப்பர்ட்டி டெவலப்பர்ஸ் என்ற தனியார் நிறுவனம் இயக்கவுள்ளது.

ரயில் மஞ்சள் , நீலம் நிறங்களில் வண்ணம் பூசியிருக்கின்றனர். இரயில் பெட்டியின் உட்பகுதியில் பேப்பர்கள் ஒட்டப்பட்டு அலங்காரம் செய்யப்பட்டு உள்ளது.தனியாரின் கீழ் சீரடிக்கு முதல் சேவை இன்று ஆர்ம்பவாதனால் ரயில் புது பொழிவுடன் உள்ளது என்றும் கோவையில் இருந்து சீரடிக்கு செல்ல 1,458 கிலோமீட்டர் தூரத்துக்கு வழக்கமாக ஸ்லீப்பர் கட்டணம் 1,280 வசூலிக்கப்பட்டு வரும் நிலையில் தனியார் நிறுவனம் 2500 ரூபாய் வசூலிக்கிறது.

மூன்றடுக்கு குளிர்சாதன படுக்கைக்கு ரயில்வே கட்டணம் 2,360 ரூபாயாக உள்ள நிலையில் தனியார் கட்டணம் 5000 ரூபாய் கட்டணமாக வசூலிக்கிறது.குளிர்சாதன இரண்டடுக்கு படுக்கைக்கு ரயில்வே கட்டணம் 4,820 ரூபாய் ஆனால், தனியார் கட்டணம் 7000 ரூபாயாக நிர்ணயம் செய்யப்பட்டுள்ளது.குளிர்சாதன முதல் வகுப்பு படுக்கைக்கு ரயில்வே கட்டணம் 8,190 ரூபாயாக உள்ள நிலையில் தனியார் கட்டணம் 10,000 ரூபாய் வசூலிக்கப்படுகிறது. அதிக அளவிலான கட்டணம் வசூலிக்கபட்டு ரயில் இயங்குகிறது.அதிக கட்டண நிர்ணயம் எளியோருக்கு ரயில் சேவை எட்டாக் கனியாக மாறியிருக்கின்றது.

Updated On: 14 Jun 2022 6:00 PM GMT

Related News

Latest News

  1. தேனி
    பெரியாறு அணை போராட்டக்களத்தில் இறங்கிய தமிழக நிருபர்கள்..!
  2. லைஃப்ஸ்டைல்
    திருமணத்தில் ஆண்கள் - பெண்கள் எவ்வளவு வயது வித்யாசம் இருக்கலாம்?
  3. லைஃப்ஸ்டைல்
    உடலுக்கு இரும்பு போன்ற வலிமை வேண்டுமா? கம்பு லட்டு சாப்பிடுங்க!
  4. லைஃப்ஸ்டைல்
    வீடுகளில் சிலைகளை வைத்திருக்கிறீர்களா? - இந்த விஷயங்களை...
  5. லைஃப்ஸ்டைல்
    முட்டைகளை பிரிட்ஜில் வைக்கலாமா? கூடாதா?
  6. இந்தியா
    மைசூருவில் பெண்ணின் உடலை 200 மீட்டர் காட்டுக்குள் இழுத்துச் சென்ற...
  7. லைஃப்ஸ்டைல்
    வீட்டில் குளியலறை எந்த திசையில் இருக்க வேண்டும் என்று தெரியுமா?
  8. லைஃப்ஸ்டைல்
    சுவை மிகுந்த மீல் மேக்கர் கிரேவி செய்வது எப்படி?
  9. உலகம்
    வரும் 28ல் உலக பட்டினி தினம் - பசி இல்லாத ஒரு உலகை படைத்திடுவோம்!
  10. விளையாட்டு
    கரூர் அகில இந்திய கூடைப்பந்து போட்டி: நாளை இறுதி போட்டி