/* */

காேவையில் கணவரை பிரிந்து வாழும் பெண் மீது ஆசிட் வீச்சு: போலீசார் விசாரணை

வீட்டிற்கு நடந்து சென்று கொண்டிருந்த போது வீட்டின் அருகே இருட்டில் மறைந்திருந்த மர்ம நபர் ஒருவர் ராதாவின் முகத்தில் ஆசிட்டை வீசியுள்ளார்.

HIGHLIGHTS

காேவையில் கணவரை பிரிந்து வாழும் பெண் மீது ஆசிட் வீச்சு: போலீசார் விசாரணை
X

ஆசிட் வீச்சில் காயமடைந்த ராதா.

தர்மபுரியை சேர்ந்த ஸ்டாலின் என்பவரது மனைவி ராதா (34). இவர்களுக்கு 2 மகள்கள் உள்ளனர். ராதாவுக்கும் அவரது கணவருக்கும் இடையே கருத்து வேறுபாடு ஏற்பட்டதை அடுத்து தனது கணவரை பிரிந்த ராதா 8 மாதங்களுக்கு முன்பு கோவைக்கு வந்தார். பின்னர் அம்மன் குளம் பகுதியில் வீடு வாடகைக்கு எடுத்து தங்கியிருந்து கட்டிட வேலைக்கு சென்று வந்தார்.

நேற்று மாலை வேலை முடிந்து வீட்டிற்கு திரும்பிய ராதா அந்தப் பகுதியில் உள்ள மளிகை கடைக்கு பால் வாங்குவதற்காக சென்றார். பின்னர் வீட்டிற்கு நடந்து சென்று கொண்டிருந்த போது வீட்டின் அருகே இருட்டில் மறைந்திருந்த மர்ம நபர் ஒருவர் ராதாவின் முகத்தில் ஆசிட்டை வீசிவிட்டு அங்கிருந்து தப்பி சென்றார்.

இதில் ராதாவின் வலது பக்க முகம், தோள்பட்டை இடதுகை ஆகிய இடங்களில் காயம் ஏற்பட்டது. இதனை பார்த்த அந்த வழியாகச் சென்றவர்கள் அவரை மீட்டு கோவை அரசு மருத்துமனையில் சேர்த்தனர். அங்கு அவருக்கு மருத்துவர்கள் தீவிர சிகிச்சை அளித்து வருகின்றனர்.

இதுகுறித்து ரேஸ்கோர்ஸ் போலீசார் வழக்குப்பதிவு செய்துள்ள போலீசார், 3 தனிப்படைகள் அமைத்து இளம்பெண் மீது ஆசிட்டை வீசி சென்ற மர்ம நபரை தேடி வருகின்றனர். ராதாவின் கணவர், ஆள் வைத்து இதைச் செய்தாரா அல்லது ராதாவிற்கு பழக்கமானவர்கள் யாரேனும் இதைச் செய்தார்களா என்ற கோணத்தில் விசாரணை நடைபெற்று வருகிறது.

Updated On: 7 Jan 2022 10:45 AM GMT

Related News

Latest News

  1. தேனி
    என்னை தாண்டி தொட்டுப்பார்...! பிரதமர் மோடி ஆவேசம்....!
  2. தேனி
    விபத்தில் அதிபர் மரணம்...இனி என்ன ஆகும் ஈரான்?
  3. திருத்தணி
    முருகன் கோவிலில் ரஜினிகாந்தின் மகள் ஐஸ்வர்யா சாமி தரிசனம்!
  4. திருவள்ளூர்
    திருவள்ளூர் அரசு மருத்துவமனையில் அதிகாரிகள் ஆய்வு!
  5. பொன்னேரி
    பள்ளி வாகனங்களை வட்டார போக்குவரத்து அதிகாரிகள் ஆய்வு
  6. மாதவரம்
    பாடியநல்லூரில் புத்த பூர்ணிமா விழா
  7. ஈரோடு
    கொடிவேரி தடுப்பணையில் சுற்றுலாப் பயணிகள் குளிக்க அனுமதி
  8. கலசப்பாக்கம்
    விவசாயிகள் நீர்ப்பாசனத் துறை அலுவலகத்தை முற்றுகை
  9. கும்மிடிப்பூண்டி
    பெரியபாளையத்தில் 108 பெண்கள் பால்குடம் ஊர்வலம்
  10. திருவண்ணாமலை
    கலைஞர் நூற்றாண்டு விழா சிறப்பாக கொண்டாட வேண்டும் - அமைச்சர் வேலு!