சோழவரம் ஒன்றியத்தில் தண்ணீர் பந்தல் திறந்து வைத்த சுதர்சனம் எம்எல்ஏ
சோழவரம் ஒன்றியத்தில் தண்ணீர் பந்தலை திறந்து வைத்து நீர்மோர் வழங்கிய சுதர்சனம் எம்எல்ஏ.
சோழவரம் ஒன்றியத்தில் மூன்று இடங்களில் நடைபெற்ற தண்ணீர் பந்தலை திறப்பு விழாவில் சட்டமன்ற உறுப்பினர் சுதர்சனம் பங்கேற்று பொதுமக்களுக்கு நீர்,மோர் தர்பூசணி பழச்சாறு வழங்கினார்.
திருவள்ளூர் மாவட்டம், மாதவரம் தொகுதி சோழவரம் ஒன்றியத்தில் சென்னை வடகிழக்கு மாவட்டம் சோழவரம் தெற்கு ஒன்றிய திமுக சார்பில் நீர், மோர் தண்ணீர்ப்பந்தல் திறப்பு விழா சோழவரம் தெற்கு ஒன்றிய செயலாளரும் ஒன்றிய குழு துணை பெருந்தலைவருமான மீ.வே.கருணாகரன் தலைமையில் வெகு சிறப்பாக நடைபெற்றது.
விழாவிற்கு சிறப்பு அழைப்பாளராக சென்னை வடகிழக்கு மாவட்ட செயலாளரும், மாதவரம் சட்டமன்ற உறுப்பினருமான எஸ்.சுதர்சனம் கலந்துகொண்டு பாடியநல்லூர், நல்லூர் மற்றும் சோழவரம் ஆகிய ஊராட்சியில் ஏற்பாடு செய்யப்பட்டிருந்த நீர், மோர் தண்ணீர்ப்பந்தலை ரிப்பன் வெட்டி திறந்து வைத்தார்.
பின்னர் பொதுமக்கள் தாகம் தீர்க்க நீர் ,மோர், இளநீர், வெள்ளரி பிஞ்சு, தர்பூசணி, பண்ணை நுங்கு, மற்றும் சுவையான குளிர்பானங்கள் மற்றும் பனைஓலையால் தயார் செய்த விசிறிகளை பொதுமக்களுக்கு வழங்கினார். இதில் சோழவரம் ஒன்றிய திமுகவின் அனைத்துநிலை நிர்வாகிகள், பொறுப்பாளர்கள் உட்பட பலர் கலந்துகொண்டனர்.
