உங்கள் ஊருக்கு எப்போது ரயில்? நவ. 4 முதல் அட்டவணையில் மாற்றம்
வரும் 1ம் தேதி முதல், முன்பதிவு இல்லாத ரயில்கள் இயக்கப்படும் நிலையில், முக்கிய ரயில்களின் நேரங்களில் மாற்றம் செய்யப்பட உள்ளது.
தீபாவளி பண்டியையை முன்னிட்டு, ரயில்களில் முன்பதிவு முடிந்ததால், முன்பதிவு இல்லாத பெட்டிகளையும் இணைக்க வேண்டும் என்று பயணிகள் கோரிக்கை வைத்து வந்தனர். இதனை ஏற்ற தெற்கு ரயில்வே, வரும் நவ. 1 தேதி முதல், எக்ஸ்பிரஸ் ரயில்களில் முன்பதிவு இல்லா பெட்டிகள் இணைக்கபடும் என்று இனிப்பான அறிவிப்பை வெளியிட்டது.
அதேபோல், 24 முக்கிய ரயில்களின் நேரமும், நவம்பர் 4ம் தேதி முதல், மாற்றம் செய்யப்பட்டுள்ளது. அதன்படி, எழும்பூா்-கொல்லம் விரைவு சிறப்பு ரயில் (06723) இரணியலை, காலை 9.36 மணிக்கும், குழித்துறைக்கு காலை 9.52 மணிக்கும், கொல்லம் சந்திப்பை நண்பகல் 12.55 மணிக்கும் அடையும். சென்னை எழும்பூா்-கன்னியாகுமரி விரைவு சிறப்பு ரயில் (02633) நாகா்கோவில் சந்திப்பை காலை 5 மணிக்கு சென்றடையும்.
கோவை -மயிலாடுதுறை ஜன்சதாப்தி விரைவு சிறப்பு ரயில் (02084) மயிலாடுதுறைக்கு மதியம் 1.55 மணிக்கு சென்றடையும். நாகா்கோவில்-கோட்டயம் விரைவு சிறப்பு ரயில் (06366) கொல்லம் சந்திப்பை, மாலை 4.55 மணிக்கு அடையும். கோவை -நாகா்கோவில் விரைவு சிறப்பு ரயில் (02668) , மதுரை சந்திப்பை அதிகாலை 12.25 மணிக்கும், விருதுநகருக்கு அதிகாலை 1.13 மணிக்கும் போய்ச்சேரும்.
புவனேஷ்வா்-ராமேசுவரம் விரைவு சிறப்பு ரயில் (08496) , திருச்சியை 4.05 மணிக்கும், புதுக்கோட்டையை மாலை 5.03 மணிக்கும், மானாமதுரையை, மாலை 6.55 மணிக்கும், ராமநாதபுரத்தை இரவு 7.53 மணிக்கும் அடையும். மதுரை-ராமேசுவரம் விரைவு சிறப்பு ரயில் (06655) மானாமதுரை சந்திப்பை இரவு 7.10 மணிக்கும், ராமநாதபுரத்தை இரவு 8.08 மணிக்கும், பாம்பனை இரவு 9.09 மணிக்கும் வந்தடையும் என்று தெற்கு ரயில்வே செய்திக்குறிப்பு தெரிவிக்கிறது.