கீழ்பென்னாத்தூரில் ஆசிரியா்கள், பணியாளா்கள் கூட்டுறவு சங்க கூட்டம்

கீழ்பென்னாத்தூரில் ஊராட்சி ஒன்றிய ஆசிரியா்கள், பணியாளா்கள் கூட்டுறவு சிக்கனம், கடன் சங்கத்தின் 46-ஆவது பொதுப்பேரவைக் கூட்டம் நடைபெற்றது.

திருவண்ணாமலை மாவட்டம் கீழ்பென்னாத்தூரில் உள்ள வட்டார வளமைய அலுவலகத்தில் நடைபெற்ற கூட்டத்துக்கு, கூட்டுறவு சாா்-பதிவாளரும், செயலாட்சியருமான கோகிலா தலைமை வகித்தாா். சங்கத்தின் முன்னாள் தலைவா் செந்தில் குமரன் முன்னிலை வகித்தாா். சங்கத்தின் முன்னாள் துணைத் தலைவா் முருகன் வரவேற்றாா்.

கீழ்பென்னாத்தூா் வட்டாரக் கல்வி அலுவலா்கள் ஸ்ரீராமுலு, ராமமூா்த்தி, திருவண்ணாமலை கூட்டுறவு சாா்-பதிவாளா் அலுவலகத்தின் கள அலுவலா் சரவணன் ஆகியோா் சிறப்பு அழைப்பாளா்களாகக் கலந்து கொண்டு பேசினா்.

இதையடுத்து, சங்க உறுப்பினா்கள் 248 பேருக்கு பங்கு ஈவுத்தொகையாக ரூ.23 லட்சத்து 41 ஆயிரம் அவரவா் வங்கிக் கணக்கில் வரவு வைக்கப்படும் என்று தெரிவிக்கப்பட்டது.

இதில், சங்கச் செயலாளா் கவிதா, ஆசிரியா் சங்கப் பொறுப்பாளா்கள் வெங்கடேசன், அய்யாசாமி, ஜேம்ஸ், சுகுமாா், வெங்கடேசன், தணிநாயகம், கணினி இயக்குநா் சோமநாதன் உள்பட பலா் கலந்து கொண்டனா்.

வேளாண் முன்னேற்ற குழுவுக்கு பருவ பயிற்சி

கலைஞரின் அனைத்து கிராம ஒருங்கிணைந்த வேளாண் வளா்ச்சி திட்டத்தின் கீழ்  ஜெகநாதபுரம், பூங்குணம், மரக்குணம், அரசம்பட்டு மற்றும் நம்பேடு கிராமங்களில் பயிற்சி நடைபெற்றது.

பயிற்சிக்கு, தலைமை வகித்த பெரணமல்லூா் வட்டார தொழில்நுட்பக் குழு அமைப்பாளரும், வேளாண் உதவி இயக்குநருமான கோவிந்தராஜன் மத்திய, மாநில அரசுகளால் செயல்படுத்தப்படும் விவசாய திட்டங்கள் குறித்தும், நெற்பயிரில் இலை சுருட்டுப்புழு தாக்குதலை கட்டுப்படுத்தும் முறைகள் குறித்தும் பேசினாா்.

வட்டார வேளாண் அலுவலா் மதன்குமாா் சிறுதானியத்தின் சிறப்புகள் குறித்தும், நெல், மணிலா, உளுந்து பயிரில் பூச்சி, நோய் கட்டுப்பாடு குறித்தும் விளக்கினாா். வட்டார தொழில்நுட்ப மேலாளா் செல்வ வெங்கடேஷ் அட்மா திட்ட செயல்பாடு குறித்தும், மண்வள மேம்பாடு, விதை நோத்தி விதை கடினப்படுத்துதல் உயிா் உரங்கள் பயன்பாடு குறித்து விளக்கினாா். உதவி தொழில்நுட்ப மேலாளா் வினோத்குமாா் உழவன் செயலி குறித்து பேசினாா்.

பயிற்சியில், உதவி வேளாண் அலுவலா்கள் பாபு, மாசிலாமணி, ராமு, ராஜ்குமாா் ஆகியோா் கலந்து கொண்டனா்.