வாக்களிக்க வரும் தாய்மார்களை கனிவுடன் நடத்த கலெக்டர் அறிவுரை..!

வாக்களிக்க வரும் தாய்மார்களே கனிவுடன் நடத்த வேண்டும், அரசியல் கட்சி முகவர்களுக்கு உரிய மரியாதை தரவேண்டும் என்று கலசப்பாக்கம் அடுத்த தென்பள்ளி பட்டியில் நடைபெற்ற பயிற்சி முகாமில் திருவண்ணாமலை மாவட்ட தேர்தல் அலுவலரும் மாவட்ட ஆட்சியருமான பாஸ்கர பாண்டியன் அறிவுரை கூறினார் .

திருவண்ணாமலை மாவட்டம் கலசப்பாக்கம் அடுத்த தென் பள்ளிப்பட்டு நடைபெறும் தேர்தல் அலுவலர்களுக்கான பயிற்சி முகாம் கூட்டம் நடைபெற்றது.  அப்போது மாவட்ட தேர்தல் நடத்தும் அதிகாரி மற்றும் மாவட்ட ஆட்சியர் பாஸ்கர பாண்டியன் அங்கு சென்று தேர்தல் அலுவலர்களுக்கான கூட்டத்தை ஆய்வு செய்தார்.

பயிற்சி முகாமில் ஆட்சியர் பாஸ்கர பாண்டியன் பேசுகையில் :

வாக்குப்பதிவின்போது வாக்கு சாவடிகளுக்கு வரும் முதியவர்கள், தாய்மார்கள் ,மாற்றுத்திறனாளிகளை கனிவுடன் நடத்த வேண்டும். அதேபோல் அரசியல் கட்சி முகவரிகளுக்கு உரிய மரியாதை தர வேண்டும் . ஓட்டு இயந்திரங்களை சரியான முறையில் பயன்படுத்த வேண்டும் என அறிவுறுத்தினார். 

மேலும் வாக்குச்சாவடி தேர்தல் அலுவலர்கள் தங்களது அஞ்சல் வாக்கு செலுத்தும் முறைகள் குறித்தும், வாக்கு சாவடி தலைமை அலுவலரின் பணிகள் குறித்தும் எடுத்துரைக்கப்பட்டது . மேலும் வாக்குச்சாவடி தலைமை அலுவலர் மற்றும் அலுவலர்கள் வாக்குப்பதிவு இயந்திரங்களை கையாளும் முறை குறித்தும், வாக்குப்பதிவுக்கு முந்தைய நாள் வாக்குச்சாவடியில் மேற்கொள்ள வேண்டிய பணிகள் குறித்தும், மாதிரி வாக்குப்பதிவு முறை குறித்தும், வாக்குப்பதிவு இயந்திரங்கள் பழுது ஏற்படும்பொழுது மேற்கொள்ளப்படும் விபரங்கள் குறித்தும், வாக்குச்சாவடி தலைமை அலுவலர் பூர்த்தி செய்யப்பட வேண்டிய படிவங்கள், ஆவணங்கள் குறித்தும், வாக்குப்பதிவு முகவர்களுக்கான குறிப்புகள் தொடர்பாகவும் விளக்கி எடுத்துரைக்கப்பட்டது.

பின்னர் அங்குள்ள மாதிரி வாக்கு சாவடி மையத்தை மாவட்ட ஆட்சியர் பாஸ்கர பாண்டியன் பார்வையிட்டார். மற்றும் அலுவலர்களுக்கு வழங்கப்பட்ட உணவினை ருசித்து பார்த்தார். இந்த ஆய்வின்போது வட்டாட்சியர் ராஜ ராஜேஸ்வரி, தாசில்தார்கள், வருவாய் கோட்டாட்சியர்கள், அரசு அலுவலர்கள் உடன் இருந்தனர்.