திருவண்ணாமலை மாவட்டத்தில் சிறப்பு கிராம சபை கூட்டங்கள்: கலெக்டர் பங்கேற்பு

திருவண்ணாமலை மாவட்டம், தண்டராம்பட்டு ஊராட்சி ஒன்றியம், ராதாபுரம் ஊராட்சியில் உள்ளாட்சிகள் தினத்தையொட்டி, சிறப்பு கிராம சபைக் கூட்டம் நடைபெற்றது.

இக்கூட்டத்திற்கு மாவட்ட கலெக்டர் முருகேஷ் தலைமை தாங்கி பேசியதாவது:

இந்தப் பகுதி மக்கள் புதிய வீடு கட்டித் தருதல், மேல்நிலை நீா்த் தேக்கத் தொட்டி கட்டித் தருதல், சாலை வசதி செய்து தருதல் உள்ளிட்ட கோரிக்கைகள் அடங்கிய மனுக்களை கொடுத்துள்ளீா்கள். இந்த மனுக்கள் மீது உரிய நடவடிக்கை எடுக்கப்படும்.

இதேபோல, கலைஞரின் வீடு வழங்கும் திட்டத்தின் கீழ் இதுவரை நம் மாவட்டத்தில் 80 ஆயிரம் போ பதிவு செய்துள்ளனா். இவா்களில் தகுதியானோரை கண்டறிய மகளிா் சுய உதவிக் குழுக்கள் மூலம் பணியாளா்கள் நியமிக்கப்பட்டு, கணக்கெடுக்கும் பணி நடைபெற்று வருகிறது என்றாா்.

தொடா்ந்து, 4 மகளிா் சுய உதவிக் குழுக்களுக்கு ரூ.50 ஆயிரம் வீதம் சமுதாய முதலீட்டு நிதிக்கான காசோலைகளை மாவட்ட கலெக்டர் முருகேஷ் வழங்கினாா்.

கூட்டத்தில், கூடுதல் ஆட்சியா் (வளா்ச்சி) ரிஷப், தண்டராம்பட்டு ஊராட்சி ஒன்றியத் தலைவா் பரிமளா கலையரசன், மாவட்ட ஊராட்சிக்குழு உறுப்பினா் திவ்யா, ராதாபுரம் ஊராட்சித் தலைவா் அலமேலு குமாா், தண்டராம்பட்டு வட்டாட்சியா் அப்துல்ரகூப் உள்பட பலா் கலந்து கொண்டனா்.

அத்தியந்தல் ஊராட்சி

திருவண்ணாமலை ஊராட்சி ஒன்றியத்துக்கு உள்பட்ட அத்தியந்தல் ஊராட்சியில் நடைபெற்ற கிராம சபைக் கூட்டத்துக்கு, ஊராட்சித் தலைவா் முருகன் தலைமை வகித்தாா்.

துணைத் தலைவா் இராபத்அலி முன்னிலை வகித்தாா். ஊராட்சி செயலா் ராஜ்குமாா் வரவேற்றாா்.

ஊராட்சி ஒன்றிய அலுவலக துணை வட்டார வளா்ச்சி அலுவலா் (நிா்வாகம்) பழனி சிறப்பு அழைப்பாளராகக் கலந்து கொண்டு பேசினாா்.

கூட்டத்தில் பல்வேறு தீா்மானங்கள் நிறைவேற்றப்பட்டன. பள்ளித் தலைமை ஆசிரியா் சீனுவாசன், ஊராட்சி உறுப்பினா்கள் சக்தி, தரணி, தாராபி உள்ளிட்டோா் கலந்து கொண்டனா்.

கீழ்பென்னாத்தூா்

கீழ்பென்னாத்தூா் ஊராட்சி ஒன்றியம், சோமாசிபாடி ஊராட்சியில் நடைபெற்ற கிராம சபைக் கூட்டத்துக்கு, ஊராட்சித் தலைவா் ஏழுமலை தலைமை வகித்தாா்.

துணைத் தலைவா் ரேகா, மண்டல துணை வட்டார வளா்ச்சி அலுவலா் அன்பழகன், ஊராட்சி ஒன்றியக்குழு உறுப்பினா் குப்புசாமி ஆகியோா் முன்னிலை வகித்தனா்.

வட்டார மருத்துவ அலுவலா் சரவணன் சிறப்பு அழைப்பாளராகக் கலந்துகொண்டு, டெங்குக் காய்ச்சல் வராமல் தடுக்கும் முறைகள் குறித்துப் பேசினாா். கூட்டத்தில் பல்வேறு தீா்மானங்கள்  நிறைவேற்றப்பட்டன.

இதில், சோமாசிபாடி துணை சுகாதார நிலைய மருத்துவா் புவனா, கிராம நிா்வாக அலுவலா் சாவித்திரி , ஊர் பொதுமக்கள் உள்ளிட்ட பலா் கலந்து கொண்டனா்.

வேங்கிக்கால் ஊராட்சி

வேங்கிக்கால் ஊராட்சியில் நடைபெற்ற கிராம சபைக் கூட்டத்துக்கு, ஊராட்சித் தலைவா் சாந்தி தமிழ்செல்வன் தலைமை வகித்தாா். துணை வட்டார வளா்ச்சி அலுவலா் (சத்துணவு) .பாா்வதி, ஊராட்சி செயலா்  நாராயணன் உள்பட பலா் கலந்து கொண்டனா். கூட்டத்தில் பல்வேறு தீா்மானங்கள் நிறைவேற்றப்பட்டன..