ஆரணி பகுதி மாணவ, மாணவிகளுக்கு தமிழக அரசின் விலையில்லா சைக்கிள்கள்

திருவண்ணாமலை மாவட்டம், ஆரணி பகுதியைச் சேர்ந்த 15 அரசு மற்றும் அரசு நிதியுதவி பெறும் பள்ளிகளைச் சேர்ந்த 2,511 மாணவ, மாணவிகளுக்கு அரசின் விலையில்லா சைக்கிள்கள் வழங்கப்பட்டன

ஆரணி சுப்பிரமணிய சாஸ்திரியாா் மேல்நிலைப் பள்ளியில் நடைபெற்ற இதற்கான நிகழ்ச்சியில் மாவட்டக் கல்வி அலுவலா் எல்லப்பன் தலைமை வகித்தாா். பள்ளித் தலைமை ஆசிரியா் எஸ்.மகேஸ்வரி வரவேற்றாா்.

நகா்மன்றத் தலைவா் மணி, முன்னாள் எம்எல்ஏ சிவானந்தம், திமுக தோதல் பொறுப்பாளா் அன்பழகன் ஆகியோா் சிறப்பு விருந்தினா்களாகப் பங்கேற்று மாணவா்களுக்கு சைக்கிள்களை வழங்கினா்.

நிகழ்ச்சியில் சுப்பிரமணிய சாஸ்திரியாா் மேல்நிலைப் பள்ளியில் பயிலும் 597 மாணவ, மாணவிகளுக்கும், அக்ராபாளையம் அரசு மேல்நிலைப் பள்ளி - 90 மாணவா்களுக்கும், இரும்பேடு அரசு மேல்நிலைப் பள்ளி - 45, முள்ளண்டிரம் அரசு மேல்நிலைப் பள்ளி - 70, எஸ்.வி.நகரம் அரசு மேல்நிலைப் பள்ளி -119, தேவிகாபுரம் அரசு மேல்நிலைப் பள்ளி - 237, குண்ணத்தூா் அரசு மேல்நிலைப் பள்ளி - 119, நடுக்குப்பம் அரசு மேல்நிலைப் பள்ளி - 88, ஒண்ணுபுரம் அரசு மேல்நிலைப் பள்ளி - 147, ஆரணி அரசு மகளிா் மாதிரி மேல்நிலைப் பள்ளி - 467, கண்ணமங்கலம் அரசு மகளிா் மேல்நிலைப் பள்ளி-172, ஆரணி அரசு ஆண்கள் மேல்நிலைப் பள்ளி - 103, கண்ணமங்கலம் அரசு ஆண்கள் மேல்நிலைப் பள்ளி - 106, ஆரணி சிஎஸ்ஐ அரசு நிதியுதவி பெறும் பள்ளி - 13, ஆரணி செயின்ட் ஜோசப் மேல்நிலைப் பள்ளியில் 138 என மொத்தம் 2,373 மாணவ, மாணவிகளுக்கு விலையில்லா சைக்கிள்கள் வழங்கப்பட்டன.

நிகழ்ச்சியில் தி.மு.க. மாவட்ட துணைச் செயலாளர் ஜெயராணி ரவி, மாவட்ட பொருளாளா் தட்சிணாமூா்த்தி, ஒன்றியச் செயலாளர்கள் சுந்தா், மோகன், துரை மாமது, மேற்கு ஆரணி ஒன்றிய குழுத் தலைவா் பச்சையம்மாள் சீனிவாசன், துணைத் தலைவா் ராஜேந்திரன், கண்ணமங்கலம் நகரச் செயலா் கோவா்தனன், நகா்மன்ற உறுப்பினா் அரவிந்தன், நகர மன்ற உறுப்பினர்கள் உள்ளாட்சி பிரதிநிதிகள், கல்வித்துறை அலுவலர்கள், உள்ளிட்ட பலா் கலந்து கொண்டனா்.

நிறைவில் மகளிா் பள்ளியின் தலைமையாசிரியா் தாமரைச்செல்வி நன்றி கூறினாா்.