திருவண்ணாமலை மாவட்டத்தில் சோனியா காந்தி பிறந்த நாள் விழா கொண்டாட்டம்

திருவண்ணாமலை மாவட்டத்தில் காங்கிரஸ் சார்பாக சோனியா காந்தி பிறந்த நாள் விழா கொண்டாடப்பட்டது.

முன்னாள் மாவட்ட காங்கிரஸ் தலைவர் அண்ணாமலை தலைமையில் அகில இந்திய காங்கிரஸ் கட்சி தலைவர் சோனியா காந்தி பிறந்தநாள் விழா வெகு சிறப்பாக கொண்டாடப்பட்டது.

சேத்துப்பட்டு காங்கிரஸ் அலுவலகத்தில் அகில இந்திய காங்கிரஸ் கட்சி தலைவர் சோனியா காந்தியின் 77வது பிறந்தநாள் விழாவை முன்னிட்டு, முன்னாள் மாவட்ட தலைவர் அண்ணாமலை கேக் வெட்டிக் கொண்டாடினார். தொண்டர்களுக்கு கேக், இனிப்பு, மரக்கன்று, டிராவல் பேக், கருப்பு கவுனி அரிசி ஆகியவற்றை வழங்கினார்.

நிகழ்ச்சியில் மாவட்ட துணை தலைவர் அன்பழகன், மாநில பொதுக்குழு உறுப்பினர் கன்னிகா, மாவட்ட பொதுச் செயலாளர் மஸ்கர் பாஷா, வட்டாரத் தலைவர்கள் விநாயகமூர்த்தி, முரளி, முருக விஜயகாந்த், எஸ்.பி.மணி, சுகன்யா, சேத்துப்பட்டு நகர தலைவர் ஜாபர் அலி, பேரூராட்சி மன்ற உறுப்பினர் கோகுல்ராஜ், இளைஞர் காங்கிரஸ் வெங்கடேசன், தினகரன், சுபாஷ் உள்பட பலர் கலந்துகொண்டனர்.

ஆரணி

திருவண்ணாமலை மாவட்டம் ஆரணி டவுன் காந்தி சிலை அருகே காங்கிரஸ் முன்னாள் தலைவர் சோனியா காந்தியின் பிறந்த நாளை முன்னிட்டு காங்கிரஸ் மாவட்ட தலைவர் பிரசாத் தலைமையில் காந்தி சிலைக்கு மலர் மாலை அணிவித்து பொதுமக்களுக்கு இனிப்பு வழங்கி கொண்டாடினர்.

களம்பூர் பேரூராட்சி பேருந்து நிலையம் அருகில் காங்கிரஸ் கட்சியினர் பொதுமக்களுக்கு இனிப்புகளை வழங்கி காங்கிரஸ் தலைவர் சோனியா காந்தியின் பிறந்த நாளை கொண்டாடினர். இதில் மாவட்ட துணை செயலாளர் அருணகிரி, முன்னாள் இளைஞர் அணி மாநில பொதுச் செயலாளர் வினோத்குமார், நகர மன்ற உறுப்பினர்கள் ஜெயவேல், பொன்னையன் ,நகர இளைஞர் காங்கிரஸ் தலைவர் பிரபு ,காங்கிரஸ் நிர்வாகிகள், காங்கிரஸ் தொண்டர்கள் என நூற்றுக்கும் மேற்பட்டோர் கலந்து கொண்டனர்.