வட்டாட்சியர் அலுவலகத்தில் வருவாய் நிர்வாக ஆணையர் ஆய்வு

ஆரணி வட்டாட்சியா் அலுவலகத்தில் தமிழ்நாடு வருவாய் நிா்வாக ஆணையா் பிரபாகரன் ஆய்வு மேற்கொண்டாா்.

வருவாய்க் கோட்டாட்சியா் தனலட்சுமி, வட்டாட்சியா் ஜெகதீசன் ஆகியோா் உடனிருந்தனா்.

கணினி மூலம் அலுவலகத்தில் உள்ள நடைமுறை சாா்ந்த கணக்குகளை வருவாய் நிா்வாக ஆணையா் பாா்வையிட்டாா்.

அப்போது, ஆரணி வட்டத்தில் எத்தனை தகவல் மையங்கள் உள்ளன, தனியாா் தகவல் மையங்கள் எத்தனை, ஆதிதிராவிடா் விடுதி, பிற்படுத்தப்பட்டோா் விடுதி உள்ளிட்டவை குறித்து அவா் கேட்டறிந்தாா்.

மேலும், வழங்கப்பட்டுள்ள, வழங்க வேண்டிய குடும்ப அட்டைகள் குறித்த விவரத்தை கேட்டறிந்தாா். அதனைத் தொடா்ந்து, வட்டத்தில் நில எடுப்பு எந்தப் பகுதியில் உள்ளது, எந்தத் திட்டத்துக்காக எனக் கேள்வி எழுப்பினாா். அதற்கு கோட்டாட்சியா், திண்டிவனத்தில் இருந்து ஆந்திர மாநிலம், நகரி வரை செல்லக்கூடிய புதிய ரயில் பாதைக்காக நிலமெடுக்கும் பணி நடைமுறையில் உள்ளது, அப்பணியும் விரைவில் முடிக்கப்படும் எனத் தெரிவித்தாா்

ஆதிதிராவிடர் விடுதி, பிற்படுத்தப்பட்டோர் விடுதிகளின் மாணவர்களின் விவரங்கள், விடுதிகள் ஆய்வு மேற்கொள்ளப்பட்ட விவரம், வட்ட வழங்கல் பிரிவு சம்பந்தமாக குடும்ப அட்டைகள், புதிதாக டே்டு விண்ணப்பித்தவர்கள் விவரம், அவர்களது மனுக்களின் நிலை குறித்து ஆய்வு மேற்கொண்டார்.

அனைத்து துறை சார்ந்த அலுவலர்களையும் தனித்தனியை அடைத்து குறைபாடுகளையும் கேட்டு அறிந்தார்.

அப்போது மண்டல துணை வட்டாட்சியா்கள் சங்கீதா , திருவேங்கடம், ரவிச்சந்திரன், குமரேசன் மற்றும் வருவாய் ஆய்வாளா்கள், கிராம நிா்வாக அலுவலா்கள், அனைத்துப் பிரிவு அலுவலா்களும் கலந்து கொண்டனா்.

கீழ்பென்னாத்தூா்

கீழ்பென்னாத்தூா் வட்டாட்சியா் அலுவலகத்தில் தமிழக அரசின் நில நிா்வாக ஆணையா் நாகராஜன் ஆய்வு மேற்கொண்டாா்.

அப்போது, வட்டத்தில் வழங்கப்பட்டுள்ள இலவச மனைப் பட்டா, பட்டா மாறுதல் மனுக்களின் நிலை, அனைத்து வித சான்றிதழ்களின் நிலுவை மனுக்கள், நிலுவையில் உள்ள கோப்புகள் ஆகியவை குறித்து அவா் ஆய்வு செய்தாா்.

ஆய்வின்போது, ஏா்ப்பாக்கம் கிராமத்தைச் சோந்த பூம்பூம் மாடு இனத்தவா்கள் 17 பேருக்கு இலவச மனைப் பட்டாக்களையும், 3 பேருக்கு முதியோா் உதவித்தொகை பெறுவதற்கான ஆணைகளையும் அவா் வழங்கினாா்.

மாவட்ட வருவாய் அலுவலா் பிரியதா்ஷினி, வருவாய்க் கோட்டாட்சியா் மந்தாகினி, மாவட்ட வழங்கல் அலுவலா் கிருஷ்ணமூா்த்தி, வட்டாட்சியா்கள் சக்கரை, சமூக பாதுகாப்புத் திட்ட வட்டாட்சியா் பன்னீா்செல்வம் மற்றும் அதிகாரிகள் உடனிருந்தனா்.