ஆரணியில் 9-ம் வகுப்பு மாணவர்கள் 3 பேருக்கு கொரோனா

திருவண்ணாமலை மாவட்டம் ஆரணியில் உள்ள சுப்பிரமணிய சாஸ்திரியார் மேல்நிலைப்பள்ளியில் 9-ம் வகுப்பு படிக்கும் மாணவர்களுக்கு,  கொரோனா பரிசோதனை முகாம், 10-ம் வகுப்பு முதல் 12-ம் வகுப்பு வரை படிக்கும் மாணவர்களுக்கு கொரோனா தடுப்பூசி போடும் முகாம் நடந்தது.

அதில் 9-ம் வகுப்பு படிக்கும் 3 மாணவர்களுக்கு கொரோனா தொற்று இருப்பது உறுதி செய்யப்பட்டது. இதுகுறித்து  திருவண்ணாமலை மாவட்ட முதன்மை கல்வி அலுவலர் அருள்செல்வன், ஆரணி மாவட்ட கல்வி அலுவலர் எஸ்.ரமேஷ் ஆகியோர் கலெக்டருக்கு தகவல் தெரிவித்தனர்.

இதனையடுத்து,  கலெக்டர் பா.முருகேஷ் பள்ளிக்கு இன்று (வியாழக்கிழமை) முதல் 3 நாட்கள் விடுமுறை அறிவித்து, பள்ளியை கிருமி நாசினியால் சுத்தம் செய்ய வேண்டும், பள்ளியில் பணியாற்றும் அனைத்து ஆசிரியர்களுக்கும் கொரோனா பரிசோதனை செய்ய வேண்டும், என உத்தரவிட்டார்.