காவல்துறைக்கு ஒத்துழைப்பு அளிக்குமாறு வியாபாரிகளிடம் ஆரணி டிஎஸ்பி பேச்சு

ஆரணி நகர காவல் நிலையத்தில் நகை வியாபாரிகள், அடகு கடை வியாபாரிகள் விழிப்புணர்வு கூட்டம் நடைபெற்றது. கூட்டத்தில் காவல் துணை கண்காணிப்பாளர்  ரவிச்சந்திரன் பேசும் போது,   

காவல்துறைக்கு நீங்கள் ஒத்துழைப்பு அளித்தால்,  நாங்கள் உங்களுக்கு பாதுகாப்பு அளிக்க முடியும். உங்கள் கடைகளுக்கு நீங்கள் பாதுகாப்பு தன்மையை உறுதிப்படுத்திக் கொள்ளுங்கள் . சிசிடிவி கேமராவை கடையை மட்டும் கண்காணிக்கும் வகையில் பொருத்தாமல் வீதியையும் கண்காணிக்கும் வகையில் கேமராக்களை பொருத்த வேண்டும்.  அதிலும் தரமான கேமராக்கள் பொருத்த வேண்டும். பகல் நேரத்திலும் இரவு நேரத்திலும் பாதுகாவலர்களை நியமிக்கும் போது காவல்துறைக்கு அவர்களைப் பற்றி தெரிவியுங்கள்.

ஆரணி நகர மக்களுக்கு சேவையாற்றும் வகையில் உங்கள் சங்கத்தின் சார்பாக உங்களுடைய வியாபார சாலைகளில் சிசிடிவி கேமராவை பொருத்தி கண்காணிக்கவும் காவல்துறையுடன் இணைந்து இருங்கள் .உங்களுக்கு யார் மீதாவது சந்தேகம் இருந்தால் உடனடியாக காவல்துறைக்கு தகவல் தெரிவியுங்கள்  என கூறினார் 

கூட்டத்தில் காவல் ஆய்வாளர்கள், காவல் உதவி ஆய்வாளர்கள் மற்றும் நகைக்கடை உரிமையாளர்கள், அடகு கடை நகை வியாபாரிகள் பலர் கலந்து கொண்டனர்.