குழந்தை தொழிலாளர்களை பணிக்கு அமர்த்திய 3 உரிமையாளர்களுக்கு அபராதம்

குழந்தை மற்றும் வளரிளம் பருவ தொழிலாளர்களை பணிக்கு அமர்த்துவது சட்டப்படி குற்றமாகும். சட்டத்தை மீறும் நிறுவனங்கள் மீது வழக்குப்பதிவு செய்யப்பட்டு கோர்ட்டில் வழக்கு தொடரப்படும்.

மேலும் கோர்ட்டு ரூ.20 ஆயிரம் முதல் ரூ.50 ஆயிரம் வரை அபதாரம் அல்லது 6 மாதம் முதல் 2 வருடங்கள் வரை சிறை தண்டனை அல்லது இரண்டும் சேர்ந்தோ தண்டனை வழங்கப்படும்.

இந்த நிலையில் திருவண்ணாமலை மாவட்ட கலெக்டர் முருகேஷ் உத்தரவின்படி ஆரணி சுற்று வட்டார பகுதிகளில் மேற்கொள்ளப்பட்ட ஆய்வில் வளரிளம் தொழிலாளர்களை பணிக்கு அமர்த்திய கடைகள் மற்றும் நிறுவனங்களின் உரிமையாளர்கள் 3 பேர் மீது கோர்ட்டில் வழக்கு தொடரப்பட்டன. 3 வளரிளம் தொழிலாளர்களும் மீட்கப்பட்டனர்.

இதில் 3 உரிமையாளர்களுக்கு கோர்ட்டில் தலா ரூ.10 ஆயிரம் வீதம் அபராதம் விதிக்கப்பட்டுள்ளதாக திருவண்ணாமலை தொழிலாளர் உதவி ஆணையர் மீனாட்சி தெரிவித்துள்ளார்.