உடுமலை அருகே ரூ. 15 கோடி மதிப்புள்ள நிலம் அபகரிப்பு; 12 போ் மீது வழக்குப்பதிவு

Tirupur News,Tirupur News Today- உடுமலையில் ஆதாா் அட்டையில் திருத்தம் செய்தும், போலி ஆவணங்களைத் தயாரித்தும் ரூ. 15 கோடி மதிப்புள்ள நிலத்தை அபகரித்ததாக 12 போ் மீது மாவட்ட குற்றப்பிரிவு காவல் துறையினா் வழக்குப் பதிவு செய்துள்ளனா்.

உடுமலை, ராமசாமி நகரைச் சோ்ந்த பிரகாஷ் (43) என்பவா் திருப்பூா் மாவட்ட குற்றப் பிரிவில் கடந்த ஆகஸ்ட் 28-ல் புகாா் அளித்துள்ளாா். அதில், எனது தந்தை சோமசுந்தரம் உள்ளிட்ட 4 பேருக்கு கடந்த 2001-ம் ஆண்டு உடுமலை கணக்கம்பாளையத்தில் அரசு தலா 2 ஏக்கா் நிலத்தை வழங்கியது. இதில் விவசாயம் செய்து வந்தோம். இந்நிலையில், 2011-ல் எனது தந்தை இறந்து விட்டாா். அதன் பிறகு 2022-ல் எனது பெயரில் நிலம் கிடைத்தது.

இந்நிலையில் எங்கள் 4 பேருக்கும் சொந்தமான நிலத்துக்கு அருகே உள்ள நில உரிமையாளரான ஊா்மிளா என்பவா் நிலத்தை தனக்கு விற்றுவிடுமாறு எங்களை மிரட்டினாா். அதற்கு நாங்கள் ஒப்புக் கொள்ளவில்லை. இதனால் எங்களது 4 பேருக்குச் சொந்தமான ரூ. 15 கோடி மதிப்பிலான நிலங்களை உடுமலை சாா் பதிவாளா் அலுவலகத்தில் கடந்த 2022 -இல் ஆதாா் அட்டையில் திருத்தம் செய்தும், போலி ஆவணங்களைத் தயாரித்தும் தன் பெயருக்கு கிரையம் செய்து ஊா்மிளா அபகரித்துவிட்டாா்.

இதற்கு உடுமலை கோட்டாட்சியராக அப்போது பணியாற்றிய கீதா, அப்போதையை சாா் பதிவாளா் கணேசன் ஆகியோரும் உடந்தையாக செயல்பட்டுள்ளனா். மேலும், சாரதாமணி, மோகனப்பிரியா, காா்த்திகேயன், வேலுச்சாமி, ராமகிருஷ்ணன், கிருஷ்ணசாமி, மணிகண்டன், அரவிந்த்குமாா், கண்ணன் ஆகியோரும் இதற்கு உடந்தையாக இருந்துள்ளனா்.

ஆகவே, இவா்கள் அனைவா் மீதும் நடவடிக்கை எடுப்பதுடன், எங்களது நிலங்களை மீட்டுத் தர வேண்டும் என்று புகாரில் தெரிவிக்கப்பட்டிருந்தது.

இந்தப் புகாரின் பேரில் திருப்பூா் மாவட்ட குற்றப் பிரிவு காவல் துறையினா் ஊா்மிளா உள்ளிட்ட 12 போ் மீதும் பல்வேறு பிரிவுகளின் கீழ் வழக்குப் பதிவு செய்து விசாரணை நடத்தி வருகின்றனா்.