சென்னையில் நாளை, கேலோ இந்தியா இளைஞா் விளையாட்டுப் போட்டிக்கான தேர்வு, திருப்பூா் டிஎஸ்ஓ தகவல்

Tirupur News,Tirupur News Today-கேலோ இந்தியா இளைஞா் விளையாட்டுப் போட்டிகளுக்கான தமிழக அணியில் இடம் பெறுவதற்கான தோ்வு நாளை  வியாழக்கிழமை (நவம்பா் 30) முதல் சென்னையில் நடைபெறவுள்ளது.

இதுகுறித்து திருப்பூா் மாவட்ட விளையாட்டு அலுவலா் ரகுகுமாா் வெளியிட்டுள்ள செய்திக் குறிப்பு:

இளைஞா்களிடையே விளையாட்டு மற்றும் உடற்தகுதியை மேம்படுத்துவதற்காக மத்திய அரசின் சாா்பில் கேலோ இந்தியா இளைஞா் விளையாட்டுப் போட்டிகள் ஆண்டுதோறும் நடத்தப்பட்டு வருகிறது. 2023-ம் ஆண்டுக்கான கேலோ போட்டியை தமிழகத்தில் நடத்துவதற்கு மத்திய அரசு அனுமதி அளித்துள்ளது.

தமிழக அணிகள் சாா்பில் இடம்பெறுவதற்கான தோ்வுகள் சென்னையில் வரும் நவம்பா் 30, டிசம்பா் 1, 2 -ம் தேதிகளில் நடத்தப்படுகிறது. சென்னை ஜவஹா்லால் நேரு உள்விளையாட்டு அரங்கில், பெண்களுக்கான கூடைப்பந்து அணிக்கு டிசம்பா் 1-ம் தேதியும், ஆண்கள் அணிக்கு டிசம்பா் 2-ம் தேதியும், பெண்கள் கால்பந்து அணிக்கு நவம்பா் 30-ம் தேதியும், ஆண்கள் அணிக்கு டிசம்பா் 1-ம் தேதியும் காலை 7 மணி அளவில் வீரா்கள் தோ்வு நடத்தப்படுகின்றன.

அதேபோல நேரு பூங்கா, மாவட்ட விளையாட்டு வளாகத்தில் பெண்களுக்கான கபடி மற்றும் கோ-கோ அணிக்கு நவம்பா் 30-ம் தேதியும், ஆண்கள் அணிக்கு டிசம்பா் 1-ம் தேதியும், மேயா் ராதாகிருஷ்ணன் ஹாக்கி அரங்கில் பெண்களுக்கான வாலிபால் மற்றும் ஹாக்கி அணிக்கு நவம்பா் 30-ம் தேதியும், ஆண்கள் அணிக்கு டிசம்பா் 1-ம் தேதியும் காலை 7 மணிக்கு வீரா்கள் தோ்வு நடத்தப்படுகின்றன. இதில் தோ்ந்தெடுக்கப்படும் விளையாட்டு வீரா், வீராங்கனைகளுக்கு தமிழ்நாடு விளையாட்டு மேம்பாட்டு ஆணையத்தின் சாா்பில் தகுந்த பயிற்சி அளிக்கப்பட உள்ளது.

போட்டியில் பங்கேற்க உள்ளோா் 2005 மே 1-ம் தேதிக்குப் பின்னா் பிறந்திருக்க வேண்டும். ஆதாா் அட்டை , 10, 12-ம் வகுப்பு மதிப்பெண் சான்றிதழ், பிறப்பு சான்றிதழ் ஆகியவை கொண்டு வரவேண்டும் என்று தெரிவிக்கப்பட்டுள்ளது.