திருப்பூர் அருகே மின்சாரம் தாக்கி பெயிண்டர் உயிரிழப்பு: போலீசார் விசாரணை

திருப்பூர் பலவஞ்சிபாளையத்தை சேர்ந்தவர் குமார், பெயிண்டர். இவர் நேற்று வெள்ளியங்காடு பகுதியில் ஒரு வீட்டில் பெயிண்டிங் வேலையில் ஈடுபட்டு இருந்தார். அப்போது, இரும்பு ஏணியை தூக்கியபோதுமேலே சென்ற மின் வயரில் பட்டு மின்சாரம் தாக்கியது. இதில் தூக்கி வீசப்பட்டு மயக்கமடைந்தார்.

அவரை மீட்டு திருப்பூர் அரசு மருத்துவமனைக்கு சிகிச்சைக்கு கொண்டு சென்றனர். அவரை பரிசோதித்த டாக்டர்கள், அவர் ஏற்கனவே இறந்து விட்டதாக தெரிவித்தனர். இது குறித்து திருப்பூர் தெற்கு போலீஸ் வழக்குப்பதிவு செய்து விசாரிக்கின்றனர்.