அவினாசி பகுதியில் பட்டா மாறுதல் முகாம்

திருப்பூர் மாவட்டம், அவினாசி தாலுகாவுக்கு உட்பட்ட முறியாண்டம்பாளையம் மற்றும் கானுார் ஊராட்சியில், பட்டா, சிட்டா பெயர் சேர்த்தல், பெயர் மாறுதல், பிழை திருத்தம், பட்டா, சிட்டா தொடர்பான சிக்கல்களுக்கு தீர்வு காணும் வகையிலான, சிறப்பு முகாம் நடந்தது.

அவினாசி வட்டாட்சியர் ராகவி தலைமையில் நடந்த முகாமில், மண்டல துணை வட்டாட்சியர் ராசு, வருவாய் ஆய்வாளர், ராமசாமி உள்ளிட்டவர்கள் பங்கேற்றனர். முறியாண்டம்பாளையத்தில், 10 மனுக்கள், கானுாரில், 6 மனுக்களுக்கு தீர்வு காணப்பட்டது.