லஞ்சம் இல்லாத சமுதாயத்திற்கு மாணவர்களின் பங்களிப்பு முக்கியம்

திருப்பூர் மாவட்டம், அவினாசி அரசு கலை மற்றும் அறிவியல் கல்லுாரியில் அவினாசி வட்ட சட்டப்பணிகள் குழுவின் சார்பில் சட்ட உதவி விழிப்புணர்வு முகாம் நடத்தப்பட்டது. கல்லுாரி முதல்வர் (கூடுதல் பொறுப்பு) ஹேமலதா தலைமை வகித்தார். லஞ்ச ஒழிப்பு பாசறையின் நிர்வாகி ஈஸ்வரன், லஞ்சமற்ற சமுதாயத்தை உருவாக்குவதில், மாணவ, மாணவியர் ஆற்ற வேண்டிய பங்கு குறித்து விரிவாக விளக்கினார்.

வட்ட சட்டப்பணிகள் குழுவின் செயல்பாடு குறித்து வக்கீல் சத்தியமூர்த்தி பேசினார். கல்லுாரியின் பி.காம் சர்வதேச வணிகவியல் துறைத்தலைவர் பாலமுருகன், எதிர்கால சமுதாயத்தின் வளர்ச்சிக்கு மாணவ, மாணவியரின் பங்களிப்பு குறித்து விளக்கினார். முகாமுக்கான ஏற்பாடுகளை செய்திருந்த கல்லுாரியின் ஆங்கிலத்துறை தலைவர் தாரணி நன்றி தெரிவித்தார்.