10ம் வகுப்பு தேர்வில் வடக்கன்குளம் பள்ளி மாணவர்கள் சாதனை!

சிபிஎஸ்இ பத்தாம் வகுப்பு தேர்வு எழுதிய வடக்கன்குள் எஸ் ஏ வி பாலகிருஷ்ணா சீனியர் மேல்நிலைப் பள்ளி மாணவர்கள் 66 பேரும் வெற்றி பெற்று 100 சதவிகித தேர்ச்சியடைந்துள்ளனர்.

பிரஜேஷ் குமார் எனும் மாணவர் தென்மாவட்ட அளவில் முதல் மதிப்பெண்கள் பெற்றுள்ளார். அவர் 494 மதிப்பெண்களைப் பெற்றுள்ளார். மாணவி மெலினா விண்ணரசி 485 மதிப்பெண்கள் பெற்று 2வது இடமும் மாணவி சுபாஸ்ரீ 483 மதிப்பெண்கள் பெற்று 3வது இடமும் பிடித்துள்ளார்.

10 மாணவர்கள் பல்வேறு பாடங்களில் 100 மதிப்பெண்கள் பெற்றனர். 470 மதிப்பெண்களுக்கு மேல் 8 மாணவர்களும் பெற்றுள்ளனர். 450 மதிப்பெண்களுக்கும் மேல் 13 மாணவர்களும் 400 மதிப்பெண்களுக்கும் மேல் 37 மாணவர்களும் பெற்றுள்ளனர்.

சாதனை படைத்த பள்ளி மாணவர்களை பள்ளியின் தலைவர், மெட்ரிக் பள்ளி தாளாளர், சி பி எஸ் இ பள்ளி தாளாளர், பள்ளி நிர்வாகி, முதல்வர் மற்றும் ஆசிரியர்கள் பாராட்டினர். அனைவருக்கும் இனிப்பு வழங்கி கொண்டாடினர்.