திருநெல்வேலியில் வரும் 20 ம் தேதி திமுக தலைவர் ஸ்டாலின் அக்கட்சி வேட்பாளர்களை ஆதரித்து தேர்தல் பிரச்சாரத்தில் ஈடுபட உள்ளார்.
சட்டமன்ற தேர்தலில் பாளையங்கோட்டை தொகுதியில் போட்டியிடும் திமுக வேட்பாளர் அப்துல் வகாப் இன்று வேட்பு மனு தாக்கல் செய்ய வந்தார். அவர் திருநெல்வேலி மாநகராட்சியில் உள்ள தேர்தல் அலுவலர் கண்ணனிடம் வேட்பு மனுவை தாக்கல் செய்தார். தொடர்ந்து அவர் பத்திரிகையாளர்களிடம் கூறியதாவது, பாளையங்கோட்டை தொகுதியில் மக்களுடைய அடிப்படைத் தேவைகளை நிறைவேற்றி கொடுப்பேன். இன்று மாலை முதல் பிரச்சாரத்தை தொடங்க உள்ளளேன். வரும் 20ம் தேதி திமுக தலைவர் ஸ்டாலின் ஐந்து வேட்பாளர்களையும் ஆதரித்து நெல்லையில் பிரச்சாரம் செய்ய இருக்கிறார் என்று தெரிவித்தார்.