டெல்லியில் போராடி வரும் விவசாயிகளுக்கு ஆதரவாக நெல்லை மேலப்பாளையத்தில் உழவர் தம் வாழ்வு ஒளிரட்டும் என எஸ்டிபிஐ கட்சி சார்பில் மெழுகுவர்த்தி ஏந்தி நூதன போராட்டம் நடைபெற்றது.
டெல்லியில் போராட்டம் நடத்தி வரும் விவசாயிகளுக்கு ஆதரவாக எஸ்டிபிஐ கட்சி சார்பில் நெல்லை மாவட்டம் மேலப்பாளையத்தில் உழவர் தம் வாழ்வு ஒளிரட்டும் என்ற முழக்கத்தோடு எஸ்டிபிஐ கட்சியினர் மெழுகுவத்தி ஏந்தி நூதனப் போராட்டத்தில் ஈடுபட்டனர். இந்தப் போராட்டத்தில் எஸ்டிபிஐ கட்சியினர் மெழுகுவர்த்தி ஏந்தி மத்திய அரசுக்கு எதிராக கோஷங்கள் எழுப்பினர். இந்த போராட்டத்தில் பலர் கலந்துகொண்டனர். இதுகுறித்து எஸ்டிபிஐ கட்சியின் நிர்வாகி சாகுல் ஹமீது உஸ்மானி கூறும் போது புதிய வேளாண் சட்டத்தை ரத்து செய்ய வலியுறுத்தி நாங்கள் தொடர்ந்து போராட்டம் நடத்தி வருகிறோம்.இந்நிலையில் விவசாயிகளுக்கு ஆதரவாக உழவர் தம் வாழ்வு ஒளிரட்டும் என்று மெழுகுவர்த்தி ஏந்தி எங்கள் நூதன போராட்டத்தில் ஈடுபட்டோம். புதிய ஆண்டிலாவது விவசாயிகளின் அனைத்து கோரிக்கைகளும் நிறைவேற வேண்டும் என்பதுதான் எங்களுடைய போராட்டத்தின் முக்கிய பங்காக உள்ளது என தெரிவித்தார்.