சரக்குகள் கையாளுவதில் இலக்கை தாண்டிய தூத்துக்குடி வஉசி துறைமுகம்!

VOC Quotes in Tamil

நாட்டில் உள்ள பெரிய துறைமுகங்களில் ஒன்றாக தூத்துக்குடி வஉசி துறைமுகம் செயல்படுகிறது. இங்கு, நிலக்கரி, காற்றாலை இறகுகள் அதிகளவில் இறக்குமதி செய்யப்படுகிறது. மேலும், தூத்துக்குடி வஉசி துறைமுகம் வழியாக வெளிநாடுகளுக்கு பல்வேறு பொருட்கள் ஏற்றுமதி செய்யப்படுகிறது.

இந்த நிலையில், மத்திய அரசின் கப்பல் போக்குவரத்து மற்றும் நீர்வழிகள் அமைச்சம் தூத்துக்குடி வஉசி துறைமுக ஆணையத்துக்கு நடப்பு ஆணையில் மார்ச் 31 ஆம் தேதி வரை 36 மில்லியன் டன் சரக்குகளை கையாள வேண்டும் என இலக்கு நிரணயித்து இருந்தது.

ஆனால், தூத்துக்குடி வஉசி துறைமுக ஆணையம் மார்ச் 14 ஆம் தேதிக்குள் 2022-23 நிதியாண்டில் 17 நாட்களுக்கு முன்னதாக துறைமுகங்கள், கப்பல் போக்குவரத்து மற்றும் நீர்வழிகள் அமைச்சகத்தால் நிர்ணயிக்கப்பட்ட 36 மில்லியன் டன் சரக்கு கையாளுதல் இலக்கை தாண்டி உள்ளது.

இதுதொடர்பாக தூத்துக்குடி வஉசி துறைமுக ஆணைய மக்கள் தொடர்பு அலுவலகம் வெளியிட்ட செய்திக் குறிப்பு விவரம் வருமாறு:

2022-23 ஆம் நிதியாண்டில் மார்ச் 14 ஆம் தேதி வரை 36.03 மில்லியன் டன் சரக்குகளை தூத்துக்குடி வஉசி துறைமுகம் ஒப்படைத்துள்ளது. மற்றும் உலக அளவில் பல்வேறு இடையூறுகள் இருந்தாலும், 11.35 சதவீதம் என்ற வளர்ச்சியை துறைமுகம் எட்டியுள்ளது.

கட்டுமானப் பொருட்கள் (67.41 சதவீதம்), வெப்ப நிலக்கரி (NTPL) (63.16 சதவீதம்), சுண்ணாம்புக் கல் (51.72 சதவீதம்), கந்தக அமிலம் (37.34 சதவீதம்), பாமாயில் (35.55 சதவீதம்), தொழில்துறை நிலக்கரி (தொழில்துறை) ஆகியவை குறிப்பிடத்தக்க வளர்ச்சியைக் கண்ட முக்கிய பொருட்கள் ஆகும்.

இலக்கை எட்டும் வகையில் சரக்கு கையாளுதல் நடவடிக்கைக்கு பங்களித்த முக்கிய காரணிகளாக மொத்த சரக்கு பரிமாற்றம், முன்னுரிமை பெர்திங் திட்டத்தை செயல்படுத்துதல், புரிந்துணர்வு ஒப்பந்தம் அடிப்படையிலான வாடிக்கையாளர் தக்கவைப்பு, தற்காலிக கொள்கலன் மெயின்லைன் கப்பல் அழைப்புகளின் ஈர்ப்பு, உப்பு கரையோர நகர்வு மற்றும் எளிதாக வணிகம் செய்வதை செயல்படுத்துதல் ஆகியவற்றை கூறலாம் என செய்திக்குறிப்பில் தெரிவிக்கப்பட்டுள்ளது.

இதுதொடர்பாக தூத்துக்குடி வஉசி துறைமுக ஆணைய தலைவர் ராமச்சந்தின் வெளியிட்ட செய்திக் குறிப்பு விவரம் வருமாறு:

தூத்துக்குடி வஉசி துறைமுகம் வரும் ஆண்டுகளில் பெரிய மைல்கற்களை எட்டும் என்று நான் நம்புகிறேன். இந்த குறிப்பிடத்தக்க சாதனைக்காக அனைத்து பணியாளர்கள், தொழிற்சங்கங்கள், டெர்மினல் ஆபரேட்டர்கள், தொழில்முனைவோர் துறைமுக பயனர்கள் மற்றும் பங்குதாரர்களின் முயற்சிகளை நான் வாழ்த்துகிறேன், மேலும் துறைமுகத்தின் வளர்ச்சி மற்றும் மேம்பாட்டிற்கான அவர்களின் அலாதியான ஆதரவிற்கு நன்றி தெரிவித்துக் கொள்கிறேன் என செய்திக் குறிப்பில் தெரிவிக்கப்பட்டுள்ளது.

அடுத்த முக்கியமான செய்திகளை தெரிந்துகொள்ள: Click Here-1, Click Here-2