வெள்ளத்தால் பாதிக்கப்பட்ட பயிர் சேதத்திற்கு ஹெக்டேருக்கு ரூ.45,000 இழப்பீடு வழங்க கோரிக்கை

தூத்துக்குடி மாவட்டத்தில் 2023 டிசம்பர் வெள்ளத்தில் பல ஆயிரம் ஏக்கர் விளைநிலங்கள் நாசமடைந்த பயிர் சேதத்திற்கு, ஏக்கருக்கு, 45 ஆயிரம் ரூபாய் இழப்பீடு வழங்க வேண்டும் என, விவசாயிகள் வலியுறுத்தினர்.

வியாழக்கிழமை ஆட்சியர் அலுவலக வளாகத்தில் ஆட்சியர் லட்சுமிபதி தலைமையில் நடைபெற்ற வெள்ளப்பெருக்குக்குப் பிறகு நடைபெற்ற முதல் குறைதீர் கூட்டத்தில் விவசாயிகள் கோரிக்கைகளை எழுப்பினர்.

வெள்ளம் காரமாக தங்களது வாழ்வாதாரத்தை இழந்துவிட்டதாகக கூறி, வெள்ளத்தில் நாசமான விளைநிலங்களை மீட்டெடுப்பதில் தாமதம் ஏற்படுவதால், மீண்டும் சாகுபடிக்கு இடையூறு ஏற்படும் என்று விவசாயிகள் குற்றம் சாட்டினர். தாமிரபரணி ஆற்றங்கரையோரம் உள்ள விவசாய வயல்களில் படிந்துள்ள வண்டல் மண் ஆறடி உயரத்தில் உள்ளது. அதை அகற்ற வேளாண் துறை இயந்திரங்கள் வழங்கியும், சதுப்பு நிலங்களுக்குள் செல்ல முடியவில்லை முற்றிலுமாக அழிக்கப்பட்ட தாமிரபரணி ஆற்றுப் படுகையில் உள்ள வெற்றிலைத் தோட்டங்களை மீண்டும் வளர்ப்பதற்கான இழப்பீடு மற்றும் மூலதனம் வழங்க வேண்டும் என்று ,'' என விவசாயிகள் தெரிவித்தனர்.

"மாநில அரசு ஒரு ஹெக்டேர் நெல் பயிர்கள் மற்றும் சிறுதானிய பயிர்களுக்கு முறையே தலா ரூ.17,000 மற்றும் ரூ.8,500 இழப்பீடு வழங்குவதாக ஏற்கனவே அறிவித்தது. ஆனால், அந்தத் தொகை இன்னும் வழங்கப்படவில்லை," என்று அவர்கள் குற்றம் சாட்டினர்.

மேலும், ஒரு சில விவசாயிகள் பெரும் பயிர் சேதம் மற்றும் கடனில் மூழ்கியிருக்கும் நிலையைக் காரணம் காட்டி ஹெக்டேருக்கு ரூ.45,000 இழப்பீடு வழங்க வேண்டும் என்றும் கோரிக்கை விடுத்துள்ளனர்.

"சமீபத்தில் ஏற்பட்ட வெள்ளம் வரலாற்று இயற்கை பேரிடர் என்பதால், காப்பீட்டு நிறுவனங்களுக்கு 100 சதவீத தொகையை தள்ளுபடி செய்யாமல் வழங்க அறிவுறுத்த வேண்டும்,'' என, தமிழ்நாடு விவசாயிகள் சங்க மாவட்ட செயலாளர் தெரிவித்துள்ளார்.

தூத்துக்குடி மாவட்டத்தை ஆட்டிப்படைத்த கடந்த ஆண்டின் பருவமழை வெள்ளத்தால் ஆயிரக்கணக்கான ஏக்கர் விளைநிலங்கள் பாதிப்புக்குள்ளானது குறிப்பிடத்தக்கது. பல குடும்பங்களின் பிரதான தொழிலான விவசாயம் முற்றிலும் முடங்கியதால், தொழிலாளர்கள் உட்பட விவசாயத்தைச் சார்ந்தவர்கள் தங்கள் அடிப்படை வாழ்வாதாரத்தை இழக்கும் நிலை உருவாகியுள்ளது. குறைதீர் கூட்டத்தில் பல்வேறு துறைகளைச் சார்ந்த பிரச்சனைகள் குறித்து மனுக்கள் பெறப்பட்ட நிலையில், வெள்ளப்பெருக்கின் தாக்கத்தால் நிலைகுலைந்த விவசாயிகளின் அவலம் நிவாரணம் பெறுமா என்ற எதிர்பார்ப்பு எழுந்துள்ளது.

இதற்கிடையில், வெள்ளநீரை வடியவும், சேதங்களை போர்க்கால அடிப்படையில் சரிசெய்யவும் மாவட்ட நிர்வாகத்தின் முயற்சிகளை விவசாயிகள் ஒரு பகுதியினர் பாராட்டியதையடுத்து கூட்டத்தில் குழப்பம் ஏற்பட்டது.