திருவாரூர் மாவட்டத்தில் இதுவரை 24 பேர் மனு தாக்கல்

திருவாரூர் மாவட்டத்தில் 4 நகராட்சி, 7 பேரூராட்சிக்கான நகர்ப்புற உள்ளாட்சி தேர்தல் வருகிற 19-ந் தேதி நடைபெற உள்ளது. இந்த தேர்தலில் 216 பதவிகளுக்கு நேரடி தேர்தல் நடைபெறுகிறது.

இதற்கான வேட்பு மனு தாக்கல் கடந்த 28-ந் தேதி தொடங்கி 4-ந் தேதி(வெள்ளிக்கிழமை) நிறைவு பெறுகிறது.

நேற்று மன்னார்குடி நகராட்சியில் ஒருவரும், திருத்துறைப்பூண்டி நகராட்சியில் 6 பேரும், மற்றும் நன்னிலம், முத்துப்பேட்டை ஆகிய பேரூராட்சிகளில் தலா ஒருவர் என 9 பேர் வேட்பு மனு தாக்கல் செய்தனர்.

இதுவரை திருவாரூர் மாவட்ட அளவில் நகராட்சி, பேரூராட்சி அளவில் 24 பேர் வேட்பு மனு தாக்கல் செய்துள்ளனர்.