தென்காசி மாவட்டத்தில் பெய்த கன மழை காரணமாக நெற்பயிர்கள் நீரில் மூழ்கின

தென்காசி மாவட்டத்தில் கனமழை காரணமாக விவசாயிகள் நெல்லை அறுவடை செய்ய முடியாமல் தவித்து வருகின்றனர்.

தென்காசி மாவட்டம் மேற்கு தொடர்ச்சி மலை பகுதிகளில் கடந்த மூன்று தினங்களாக பலத்த மழை பெய்தது..மேற்குத் தொடர்ச்சி மலைத்தொடர் பகுதிகளில் பெய்து வரும் கனமழை காரணமாக மேற்கு தொடர்ச்சி மலையை ஒட்டியுள்ள நீர்நிலைகளுக்கு நீர்வரத்து அதிகரித்துள்ளது.

இந்த பகுதியில் உள்ள அணைகளுக்கு  நீர்வரத்து அதிகரித்துள்ளது. அதே போல அருவிகளிலும் தண்ணீர் வரத்தொடங்கியுள்ளது. பலத்த சூறாவளி காற்றுடன் பெய்து வரும் கனமழை காரணமாக மாவட்டத்தின் பல்வேறு பகுதிகளில் சாலை ஓரங்களில் உள்ள மரங்கள் மற்றும் மின் கம்பங்கள் சேதம் அடைந்து வருகின்றன.

செங்கோட்டை தஞ்சாவூர் குளத்து புரவு பகுதியில் சுமார் 80 ஏக்கர் நெல் சாகுபடி செய்த விவசாயிகள் நெல் பயிர்கள் அனைத்தும் நீரில் மூழ்கி அழுகும் நிலைக்கு தள்ளப்பட்டுள்ளன.  கனமழை காரணமாக விவசாயிகள் நெல்லை அறுவடை செய்ய முடியாமல் தவித்து வருகின்றனர். மேலும் தங்களுக்கு இழப்பீடு வழங்க வேண்டும் என்றும் கோரிக்கை விடுத்துள்ளனர்.