அ.தி.மு.க., வின் சாதனைகளை பகிர்ந்துகொண்ட இளங்கோவன்

சேலம் மாவட்டம் ஓமலூரில் அதிமுக சார்பில் மக்களை நேரடியாக சந்தித்து கருத்துக்களை பரிமாறும் திண்ணை பிரச்சாரம் நேற்று நடைபெற்றது. கட்சியின் சேலம் புறநகர் மாவட்ட செயலாளர் இளங்கோவன் தலைமையில் நடைபெற்ற இந்த நிகழ்ச்சியில், தற்போதைய அரசின் செயல்பாடுகள் குறித்த விமர்சனங்கள் மற்றும் முந்தைய ஆட்சியின் சாதனைகள் குறித்த துண்டுப்பிரசுரங்கள் மக்களிடம் வழங்கப்பட்டன.

தாலுகா அலுவலக சாலை, கடைவீதி, தர்மபுரி சாலை வழியாக நடைபெற்ற இந்த பிரச்சார பயணத்தில் சட்டமன்ற உறுப்பினர்கள் மணி, ராஜமுத்து, சித்ரா, நல்லதம்பி, ஜெயசங்கரன், சுந்தரராஜன் ஆகியோர் கலந்து கொண்டனர். மேலும் மாநில ஜெ. பேரவை துணை செயலர் விக்னேஷ், முன்னாள் எம்.எல்.ஏ.க்கள் கிருஷ்ணன், வெற்றிவேல், ஓமலூர் ஒன்றிய செயலர்கள் ராஜேந்திரன், செந்தில்குமார், விமல்ராஜ் உள்ளிட்ட கட்சி நிர்வாகிகளும் பங்கேற்றனர்.

நிகழ்வின் பின்னர் ஓமலூர் அருகே உள்ள கட்சி அலுவலகத்தில் பேட்டியளித்த இளங்கோவன், அமைச்சர் நேரு, நகராட்சியோடு இணைக்கப்படும் பகுதிகளுக்கு 100 நாள் திட்டப்பணி வழங்கப்படும் என கூறியதை கண்டித்தார். அதே சமயம், அதிமுக ஆட்சியில் நடந்த நல்ல திட்டங்கள் தொடரும் என அமைச்சர் கூறியதற்கு தனது வாழ்த்துக்களையும் தெரிவித்தார்.

இதனைத் தொடர்ந்து கட்சி அலுவலகத்தில் ஜெ. பேரவை சார்பில் ஆலோசனைக் கூட்டம் நடைபெற்றது. புறநகர் மாவட்ட செயலர் மணி தலைமையில் நடைபெற்ற இந்த கூட்டத்தில் இளங்கோவன் பல்வேறு முக்கிய ஆலோசனைகளை வழங்கினார். இக்கூட்டத்தில் ஜெ. பேரவை மாநில துணை செயலர் விக்னேஷ் உள்ளிட்ட நிர்வாகிகள் மற்றும் மகளிர் அணி நிர்வாகிகள் பங்கேற்றனர்.

கட்சி நிர்வாகிகள் தெரிவித்தபடி, இந்த நிகழ்வுகள் மக்களுடன் நேரடி தொடர்பை ஏற்படுத்தி, அவர்களின் குறைகளை கேட்டறிந்து, தீர்வுகாண முயற்சிப்பதாக அமைந்துள்ளன. மேலும் இது போன்ற மக்கள் சந்திப்பு நிகழ்வுகள் தொடர்ந்து நடைபெறும் என்றும் அறிவிக்கப்பட்டுள்ளது.