சிறந்த காவல் நிலைய தேர்வுக்காக பெரம்பலூர் டவுன் போலீஸ் ஸ்டேசனில் ஐ.ஜி., ஆய்வு

தமிழகத்தில் சிறந்த காவல் நிலையத்தை தேர்வு செய்யும் பணி நடைபெற்று வருகிறது . பொதுமக்களை வரவேற்பது, சுற்றுப்புறத்தை அழகுப்படுத்தி தூய்மையாக வைத்திருப்பது, வழக்குகளை விரைந்து முடிப்பது உள்ளிட்டவைகளுக்கு மதிப்பெண் கொடுத்து சிறந்த காவல் நிலையம் தேர்வு செய்யப்படும். அந்த காவல் நிலையத்துக்கு முதலமைச்சர் விருது வழங்கவுள்ளார் .

இதில் கடந்த 2020 - ம் ஆண்டிற்கான சிறந்த காவல் நிலையமாக தேர்ந்தெடுக்கப்படவுள்ள பட்டியலில் உள்ள 3 காவல் நிலையங்களில் பெரம்பலூர் காவல் நிலையமும் இடம் பெற்றுள்ளது .

அந்த வகையில், தமிழக போலீஸ் டி.ஜி.பி. அலுவலகத்திலிருந்து அக்டோபர் 26 ஆம் தேதியான இன்று ஐ.ஜி. பெரம்பலூர் காவல் நிலையத்தை ஆய்வு செய்தார். அவர் ஆய்வு செய்து அதன் அறிக்கையை டி.ஜி.பி. அலுவலகத்தில் தாக்கல் செய்யவுள்ளதாக காவல் உயர் அதிகாரிகள் தெரிவித்தனர்.