பெரம்பலூரில் உயிரிழந்த தலைமைக் காவலரின் குடும்பத்திற்கு நிதி உதவி

பெரம்பலூர் மாவட்டம், பெரம்பலூர் காவல் நிலையத்தில் தலைமை காவலராக பணிபுரிந்து வந்த ராஜேந்திரன் என்பவர் உடல் நிலை சரியில்லாத காரணத்தினால் கடந்த ஆண்டு இறந்துவிட்டார்.

இந்நிலையில் அவருடன் பணியில் சேர்ந்த 1993-ம் பேட்ச் காவல்துறையினர் தமிழகம் முழுவதும் ஒன்றிணைந்து  ராஜேந்திரன்  குடும்பத்திற்கு உதவி செய்யும் வகையில் காக்கும் கரங்கள்-1993-ம் பேட்ச் சார்பாக  ரூபாய் 7,27,500/- சேகரித்து அதனை  பெரம்பலூர் மாவட்ட காவல் அலுவலகத்தில் உள்ள கலந்தாய்வு கூடத்தில் மாவட்ட காவல் கண்காணிப்பாளர் ச.மணி தலைமையில் ராஜேந்திரன்  குடும்பத்தாரிடம் ஒப்படைத்தனர்.

இந்நிகழ்ச்சியில் பெரம்பலூர் மாவட்ட கூடுதல் காவல் கண்காணிப்பாளர்கள் ,காவல் ஆய்வாளர் மற்றும் 1993-பேட்ச் காவல்துறையினர் என பலர் கலந்து கொண்டார்கள். மேலும் உதவி தொகை செய்த 1993-பேட்ச் காவல்துறையினரின் சேவை மனப்பான்மையை மாவட்ட காவல் கண்காணிப்பாளர்  பாராட்டியதுடன், தமிழகம் முழுவதும் உள்ள 1993-பேட்ச் காவல்துறையினருக்கு நன்றியை தெரிவித்தார்.