ஒரே கையெழுத்து.. எது உண்மை? நாடகமாடுகிறதா? டிடிவி சரமாரி கேள்வி

தமிழக ஆளுநரை சந்தித்தது குறித்து அமமுக பொதுச்செயலாளர் டிடிவி தினகரன், எது உண்மை? என்ற தலைப்பில் திமுகவுக்கு பல கேள்விகளை எழுப்பியுள்ளார்.

அவர் வெளியிட்டுள்ள டுவிட்டர் பதிவில், தமிழக ஆளுநரை, முதலமைச்சர் சந்தித்து எதைப் பற்றி பேசினார் என்பது குறித்து ஆளுநர் மாளிகை ஒருவிதமாகவும், முதலமைச்சர் அலுவலகம் வேறுவிதமாகவும் செய்தி வெளியிட்டிருப்பது பல்வேறு சந்தேகங்களை ஏற்படுத்தியுள்ளது. 

நீட் தேர்வுக்கு விலக்கு கோரும் மசோதாவை குடியரசுத்தலைவருக்கு அனுப்ப கோரியே இந்த சந்திப்பு நடந்ததாக முதலமைச்சர் தரப்பு தெரிவிக்க, அதைப்பற்றியே கண்டுகொள்ளாமல் கொரோனா குறித்து விவாதித்ததாக ஆளுநர் மாளிகை கூறியிருக்கிறது. அப்படி என்றால் உண்மை என்ன? 

'ஆட்சிக்கு வந்தவுடன் ஒரே கையெழுத்தில் நீட் தேர்வை ஒழித்து விடுவோம்' என்று தேர்தலுக்கு முன் ஏமாற்று வசனம் பேசிய தி.மு.க, அதனை செய்ய முடியாததால், இப்போது தமது வழக்கப்படி நாடகமாடுகிறதா? என சரமாரியாக கேள்விகளை தொடுத்துள்ளார்.