மதுரை கோயில்களில் குருவாரப் பிரதோஷம்: திரளான பக்தர்கள் வழிபாடு

மதுரை மாவட்டம், சோழவந்தான் பகுதியில் உள்ள சிவாலயங்களில் பிரதோஷ விழா நடந்தது.பிரசித்தி பெற்ற விசாக நட்சத்திர ஸ்தலமாக விளங்கும் சோழவந்தான் வைகை கரையில் அமைந்துள்ள பிரளயநாத(சிவன்)கோவிலில், குருவார பிரதோஷ விழா நடைபெற்றது.

இவ்விழாவை முன்னிட்டு, நந்திபெருமானுக்கு 11அபிஷேகங்கள் நடைபெற்று, மூலவருக்கு சிறப்பு அபிஷேகம் நடந்தது.சுவாமியும், அம்பாளும் ரிஷபவாகனத்தில் எழுந்தருளி கோவில் வளாகத்தை சுற்றிவந்தனர்.சிறப்பு அர்ச்சனை, பூஜைகள் நடத்தப்பட்டு பிரசாதம் வழங்கப்பட்டது.

விழாவில், எம்.வி.எம். குழுமத்தலைவர் மணி முத்தையா,கவுன்சிலர்கள் வள்ளிமயில், டாக்டர் மருதுபாண்டியன்,தக்கார் இளமதி பணியாளர்கள் பூபதி வசந்த்மற்றும் கோயில் பணியாளர்கள் விழா ஏற்பாடுகளை செய்து இருந்தனர். சிவ பக்தர்கள் திரளாக கலந்து கொண்டனர்.

திருவேடகம், ஏடகநாதர் சுவாமி கோயிலில் பிரதோஷ விழா நடைபெற்றது. சிறப்பு அபிஷேகங்கள் நடைபெற்று சுவாமி,அம்பாள் ரிஷப வாகனத்தில் கோயில் வளாகத்தில் வலம் வந்தனர்.

இதேபோல் மன்னாடிமங்கலம் மீனாட்சிசுந்தரேஸ்வரர் கோயில்,சோழவந்தான் பேட்டை அருணாசல ஈஸ்வரர் கோவில்,திருவளவயநல்லூர் மீனாட்சி சுந்தரேஸ்வரர் கோயில், விக்கிரமங்கலம் கோவில்பட்டி மருததோய ஈஸ்வரமுடையார் கோயில் தென்கரை அகிலாண்டேஸ்வரி சமேத மூலநாதசுவாமி கோவில் உள்பட இப்பகுதி உள்ள சிவாலயங்களில் பிரதோஷ விழா நடந்தது. பக்தர்கள் திரளாக கலந்து கொண்டனர்.

மதுரை அண்ணாநகர் வைகை காலனி வைகை விநாயகர், தாசில்தார் நகர் சித்தி விநாயகர் ஆலயம், மதுரை ஆவின் சாத்தமங்கலம் பால விநாயகர் ஆலயம், மதுரை யாணைக்குழாய் முத்துமாரியம்மன், மதுரை அண்ணாநகர் மேலமடை சௌபாக்ய விநாயகர், மதுரை தெப்பக்குளம் முக்தீஸ்வரர், அண்ணாநகர் சர்வேஸ்வர ஆலயங்களில் பிரதோஷ அபிஷேகம் நடைபெற்றது.