மதுரை சௌபாக்யா விநாயகர் ஆலயத்தில் சுவாதி நட்சத்திர விழா

மதுரை சௌபாக்கிய விநாயகர் ஆலயத்தில் சுவாதி நட்சத்திர விழா நடைபெற்றது.

மதுரை அண்ணாநகர், மேலமடை, அருள்மிகு சௌபாக்கி விநாயகர் ஆலயத்தில், சுவாதி நட்சத்திரத்தை முன்னிட்டு, நரசிம்மருக்கு சிறப்பு பூஜை நடைபெற்றது. இதை ஒட்டி ,இக்கோவில் அமைந்துள்ள நரசிம்மருக்கு பக்தர்களால் பால் , தயிர், இளநீர் போன்ற சிறப்பு அபிஷேகங்கள் செய்யப்பட்டு, அதைத் தொடர்ந்து ,நரசிம்மர் மற்றும் சக்கரத்தாழ்வாருக்கு அலங்காரம் நடைபெற்றது.

அதனைத் தொடர்ந்து, பக்தர்களுக்கு சிறப்பு அர்ச்சனைகள் நடந்தது. இதை அடுத்து, கோவில் நிர்வாகத்தின் சார்பில் பிரசாதங்கள் வழங்கப்பட்டது. இத்திருக்கோவிலே, மாதந்தோறும் சுவாதி நட்சத்திரத்தன்று காலை 9 மணி அளவில் நரசிம்மருக்கு சிறப்பு அபிஷேக வழிபாடுகள் நடைபெறுவது வழக்கம். அதன்படி, ஒவ்வொரு மாதமும் சுவாதி நட்சத்திரத்தன்று , சிறப்பு தீபாராதனை நடைபெறுகிறது. இதற்கான ஏற்பாடுகளை, சௌபாக்கிய விநாயகர் ஆலய நிர்வாக குழு மற்றும் ஆன்மீக மகளிர் பக்தர் குழு ஆகியோர் செய்து வருகின்றனர்.