சோழவந்தான் அருகே மின்சாரம் தாக்கி பெண் சாவு; போலீசார் விசாரணை

மதுரை மாவட்டம், சோழவந்தான் அருகே காடுபட்டி ஊராட்சிக்கு உட்பட்ட, வடகாடுபட்டி கிராமத்தைச் சேர்ந்த ஆனந்தன் மனைவி குளோரியா 37. இவர்கள் அதே கிராமத்தில் காய்கறி கடை  நடத்தி வருகின்றனர்.

நேற்று மாலை வீட்டிற்கு பின் பகுதியில் குளோரியா பொருட்களை எடுக்கச் சென்றுள்ளார். அப்போது அவரை மின்சாரம் தாக்கியது.

இதில், உயிருக்குபோராடிக்கொண்டிருந்த குளோரியாவை, சோழவந்தான் அரசு மருத்துவமனைக்கு கொண்டு வந்தனர். பரிசோதித்த டாக்டர் அவர் இறந்துவிட்டதாக கூறினார்.

இதனையடுத்து, காடுபட்டி சப் இன்ஸ்பெக்டர் பாலமுருகன், தலைமைக் காவலர் ராஜாமுகமது ஆகியோர் உடலை கைப்பற்றி பிரேத பரிசோதனைக்காக அனுப்பி வைத்தனர்.