டிடிவி பிறந்த தினம்: அலங்காநல்லூரில் இனிப்பு வழங்கி கொண்டாட்டம்

டிடிவி தினகரன் முதலமைச்சராக வேண்டி அலங்காநல்லூர் கோவிலில்  அமமுகவினர் சிறப்பு பிரார்த்தனை நடத்தினர்.

மதுரை மாவட்டம் அலங்காநல்லூரில் அம்மா மக்கள் முன்னேற்ற கழக பொதுச் செயலாளர்டி.டி.வி.தினகரன் பிறந்த நாளை முன்னிட்டு ஸ்ரீ முனியாண்டி கோவில், முத்தாலம்மன், காளியம்மன், அய்யனார் திருக்கோவில்களில்  ஒன்றிய கழகச் செயலாளர் வழக்கறிஞர் கோடீஸ்வரன் தலைமையில் சிறப்பு பூஜைகள்  நடைபெற்றது.

வரும் நாடாளுமன்றத் தேர்தலில் அதிக தொகுதிகளில்  வெற்றி பெற வேண்டும். வரும் சட்டமன்றத் தேர்தலில் வெற்றி பெற்று முதலமைச்சராக டிடிவி தினகரன் அரியணையில் அமர்த்த அருள் புரிய வேண்டும் என்று கோவிலில் சிறப்பு பிரார்த்தனை நடைபெற்றது. தொடர்ந்து பட்டாசு வெடித்து பொதுமக்களுக்கு இனிப்பு வழங்கப்பட்டது..

இதில் மேற்கு ஒன்றிய செயலாளர் ரகு, நகர செயலாளர் ராஜபிரபு, அவைத் தலைவர்கள் செல்வம், சக்கரை, நிர்வாகிகள் வேல்முருகன், அசோக், கல்லணை வழக்கறிஞர் சந்திரசேகர், மோகன், மற்றும் மெடிக்கல் சுதந்திரபாண்டியன், ஆதனூர் கணேசன், சசி தண்டலை மாதவன், ராஜா, நீதி, பிச்சை, திருப்பதி, செல்வம், ரஞ்சித், மணி, அய்யூர்கதிரேசன் உள்ளிட்ட பலர் கலந்து கொண்டனர்.