வாடிப்பட்டி அருகே கடையை உடைத்து லேப்டாப், செல்போன்கள் திருட்டு

மதுரை மாவட்டம், வாடிப்பட்டி அருகே எல் புதூரை சேர்ந்தவர் ராஜாங்கம். இவரது மகன் ரவீந்திரன்(43).இவர் சந்தவாசல் எதிரில் செல்போன் கடை வைத்து வியாபாரம் செய்து வருகிறார்.

இந்நிலையில் இரவு 9 மணிக்கு வழக்கம் போல் கடையை அடைத்து விட்டு வீட்டுக்கு சென்றார். மறுநாள் காலை 9 மணிக்கு கடையை திறக்க வந்தபோது, பூட்டு உடைக்கப்பட்டிருப்பதை கண்டு அதிர்ச்சியடைந்தார்.

பின் கடையை திறந்து பார்த்தபோது, உள்ளே இருந்த 8 செல்போன்கள், ஒரு லேப்டாப் ஆகியவை திருடு போனது தெரியவந்தது. அதன் மதிப்பு ரூ.60ஆயிரம் ஆகும்.

இதுகுறித்து ரவீந்திரன் கொடுத்த புகாரின் பேரில் வாடிப்பட்டி போலீஸ் சப் இன்ஸ்பெக்டர் பாலசுப்பிரமணி.வழக்குப்  பதிவு செய்து விசாரித்து வருகிறார்.