முன்னாள் முதல்வர் காமராஜர் பயன்படுத்திய கார் கிருஷ்ணகிரியில் புதுப்பிப்பு

சமீபத்திய ஆண்டுகளில், பழைய கார்கள் புதுப்பிக்கும் டிரண்ட் அதிகரித்து வருகின்றன. அதாவது பயன்படுத்திய பழைய காரை அதன் அசல் நிலைக்கு அல்லது சிறந்த நிலைக்கு மீட்டமைக்கும் செயல்முறை இதுவாகும். வரலாற்றின் ஒரு பகுதியைப் பாதுகாத்தல், காரின் செயல்திறனை மேம்படுத்துதல் அல்லது அதைச் சிறந்ததாகக் காட்டுவது போன்ற பல காரணங்கள் மக்கள் தங்கள் கார்களை புதுப்பிக்கத் தேர்ந்தெடுக்கிறார்கள்.

கார் புதுப்பித்தலில் கவனிக்க வேண்டிய பல சமீபத்திய போக்குகள் அதிகரித்து வருகின்றன.   அசல் பாகங்கள் கண்டுபிடிக்க கடினமாகவும் விலை உயர்ந்ததாகவும் இருக்கும். எனவே பலர் அதற்கு பதிலாக உயர்தர பாகங்களைத் தேர்வு செய்கிறார்கள்.

மற்றொரு போக்கு நவீன தொழில்நுட்பத்தைப் பயன்படுத்துவதாகும். இதில் எல்இடி ஹெட்லைட்கள், தொடுதிரை இன்ஃபோடெயின்மென்ட் சிஸ்டம் மற்றும் மேம்பட்ட பாதுகாப்பு அம்சங்கள் போன்றவை அடங்கும். இந்த அம்சங்கள் காரை மிகவும் வசதியாகவும், பாதுகாப்பாகவும் ஓட்டும் அதே வேளையில் அதன் மதிப்பைக் கூட்டும்.

கார் புதுப்பித்தல் போக்கு வரவிருக்கும் ஆண்டுகளில் தொடர்ந்து பிரபலமடைய வாய்ப்புள்ளது. ஏனென்றால், வரலாற்றைப் பாதுகாத்தல், செயல்திறனை மேம்படுத்துதல் மற்றும் காரை சிறந்ததாக மாற்றுதல் போன்ற பல நன்மைகளை இது வழங்குகிறது. கூடுதலாக, அசல் பாகங்களின் பயன்பாடு, நவீன தொழில்நுட்பம் மற்றும் தனிப்பயனாக்கம் ஆகியவை எதிர்காலத்தில் தொடர்ந்து உருவாகும்.

இந்த நிலையில், மறைந்த தமிழக முன்னாள் முதல்வர் காமராஜர் பயன்படுத்திய கார், கிருஷ்ணகிரியில் பழமை மாறாமல் புதுப்பிக்கப்பட்டு, புதுப்பொலிவுடன் மாற்றி அமைக்கப்பட்டுள்ளது. இந்த காரை, வரும் 15ம் தேதி சென்னை காமராஜர் அரங்கில் மீண்டும் மக்கள் பார்வைக்கு நிறுத்தப்படுகிறது.

தமிழக முதல்வராக 3 முறை பதவி வகித்தவர் காமராஜர். இவர் தமிழக காங்கிரஸ் தலைவராக இருந்தபோது, டிவிஎஸ் குழும தொழிலதிபர் டி.வி.சுந்தரம், 1952-ல் அறிமுகமான ‘செவ்ரோலெட் ஸ்டைல்லைன் டீலக்ஸ்’ கருப்பு நிற காரை (எம்டிடி 2727) வழங்கினார்.

இக்காரை முதல்வரான பின்னரும் காமராஜர் பயன்படுத்தி வந்தார். காமராஜர் மறைவுக்குப் பின்னர் சென்னை காமராஜர் அரங்கத்தில் பொதுமக்கள் பார்வைக்கு இந்த கார் வைக்கப்பட்டது.

பொலிவிழந்த இக்காரை புதுப்பிக்க காங்கிரஸ் கட்சியினர் திட்டமிட்டனர். இதையடுத்து, கிருஷ்ணகிரியில் உள்ள பிரபல கார் பழுது நீக்கும் நிறுவனத்தின் மூலம் கார் புதுப்பிக்கப்பட்டது. இத்தகவலை அறிந்த பொதுமக்கள் காரின் முன்பு நின்று புகைப்படம் எடுத்து மகிழ்ந்து வருகின்றனர்.

இதுதொடர்பாக கார் பழுது நீக்கும் நிறுவன உரிமையாளர் அஸ்வின் ராஜ்வர்மா கூறியதாவது: என் தாத்தா பி.கே.பி.எம். முனுசாமி, காமராஜர் காலத்தில் கிருஷ்ணகிரியில் எம்எல்ஏ-வாக இருந்தார். நாங்கள் பாரம்பரியமாகக் காங்கிரஸ் குடும்பத்தினர் என்கிற அடிப்படையில் தமிழக காங்கிரஸ் தலைவர் அழகிரி என்னிடம், காரை புதுப்பித்துத் தருமாறு கேட்டார்.

அதன்படி கடந்த ஜூன் 1ம் தேதி காரை சென்னை காமராஜர் அரங்கத்திலிருந்து எடுத்து வந்து புதுப்பித்துள்ளோம். கார் அமெரிக்காவில் தயாரிக்கப்பட்டதால் அதன் உதிரிப் பாகங்களான கார் கண்ணாடி, ரப்பர் ஆகியவற்றை அமெரிக்காவிலிருந்து வாங்கினோம்.

காரின் சில்வர் பாகங்கள் ஜோத்பூர் அரண்மனையில் பழைய கார்களைப் புனரமைக்கும் நிபுணர் அர்ஜூன் தலைமையிலான குழுவினர் மூலம் புதுப்பித்தோம்.

புதுப்பொலிவு பெற்றுள்ள காரை தற்போது பொதுமக்கள் பலர் ஆர்வமுடன் வந்து அருகில் நின்று புகைப்படம் எடுத்துச் செல்கின்றனர். வரும் 15ம் தேதி காமராஜர் பிறந்தநாளையொட்டி, சென்னை காமராஜர் அரங்கத்தில் மீண்டும் மக்கள் பார்வைக்கு இந்த நிறுத்தப்படும். இவ்வாறு அவர் கூறினார்.