ஊரக உள்ளாட்சி தேர்தல்: உளுந்தூர்பேட்டை ஒன்றியம் 8வது வார்டில் 5 முனை போட்டி

கள்ளக்குறிச்சி மாவட்டம், உளுந்தூர்பேட்டை ஊராட்சி ஒன்றியத்தில் 6ம் தேதி ஊரக உள்ளாட்சி தேர்தல் நடைபெறுகிறது.

இதில் 8வது வார்டு ஒன்றிய கவுன்சிலர் பதவிக்கு சந்திரலேகா - திராவிட முன்னேற்றக் கழகம், லட்சுமி - அனைத்திந்திய அண்ணா திராவிட முன்னேற்றக் கழகம், வின்சிலி- தேசிய முற்போக்கு திராவிட கழகம், ஆர்த்தி - நாம் தமிழர் கட்சி, கலைச்செல்வி - சுயேட்சை ஆகிய 5 பேர் போட்டியிடுகின்றனர்.

இந்நிலையில் 5 வேட்பாளர்களும் கிராமம் கிராமாக தங்களுக்கான வாக்கு சேகரிப்பில் ஈடுபட்டு வருகின்றனர். வாக்குப்பதிவுக்கு இன்னும் 3 நாட்களே உள்ள நிலையில் தற்போது பிரச்சாரம் சூடுபிடித்துள்ளது.