ஊரக உள்ளாட்சி தேர்தல்: ரிஷிவந்தியம் ஒன்றியம் 20வது வார்டில் 5 முனை போட்டி

கள்ளக்குறிச்சி மாவட்டம், ரிஷிவந்தியம் ஊராட்சி ஒன்றியத்தில் 6ம் தேதி ஊரக உள்ளாட்சி தேர்தல் நடைபெறுகிறது.

இதில் 20வது வார்டு ஒன்றிய கவுன்சிலர் பதவிக்கு திமுக சார்பில் முனியம்மாள், அதிமுக சார்பில் அஞ்சலை, தேமுதிக சார்பில் ஆர்த்தி, நாம் தமிழர் கட்சி சார்பில் செளமியா, சுயேட்சையாக அன்னம்மாள் ஆகிய மொத்தம் 5 பேர் போட்டியிடுகின்றனர்.

ரிஷிவந்தியம் 20வது வார்டில் திமுக, அதிமுக, தேமுதிக, நாம் தமிழர் கட்சி, சுயேட்சை என 5 பேர் களம் காண்கின்றனர்.

இந்நிலையில் 5 வேட்பாளர்களும் கிராமம் கிராமாக தங்களுக்காக வாக்கு சேகரிப்பில் ஈடுபட்டு வருகின்றனர். வாக்குப்பதிவுக்கு இன்னும் 4 நாட்களே உள்ள நிலையில் தற்போது பிரச்சாரம் சூடுபிடித்துள்ளது.