பத்திரிகையாளர்களின் குடும்பங்களுக்கு தலா ரூ.3 லட்சம் நிதியுதவி

Financial Assistance -சென்னை தலைமைச் செயலகம், நாமக்கல் கவிஞர் மாளிகை, வீட்டுவசதி மற்றும் நகர்ப்புற வளர்ச்சித் துறை கூட்டரங்கில் தமிழக செய்தித் துறை அமைச்சர் மு.பெ.சாமிநாதன் தலைமையில் நேற்று பத்திரிகையாளர் நல வாரியக் கூட்டம் நடைபெற்றது.

இக்கூட்டத்தில், பத்திரிகையாளர் நல வாரியத்தின் புதிய உறுப்பினர் சேர்க்கை மற்றும் பல்வேறு முக்கியத்துவம் வாய்ந்த பொருண்மைகள் குறித்து விவாதிக்கப்பட்டது. மேலும், பத்திரிகையாளர் ஓய்வூதியம் கோரி வரப்பெற்ற விண்ணப்பங்களும் மற்றும் பத்திரிகையாளர் குடும்ப உதவி நிதி கோரி வரப்பெற்ற விண்ணப்பங்களும் பரிசீலிக்கப்பட்டன.

முன்னதாக, பத்திரிகையாளர் குடும்ப உதவி நிதி திட்டத்தின் கீழ், பணியில் இருக்கும்போது இயற்கை எய்திய பத்திரிகையாளர்களின் குடும்பங்களுக்கு முதலமைச்சர் பொது நிவாரண நிதியிலிருந்து எஸ். லதா, க/பெ. திரு. பி.சுந்தரவடிவேல் (லேட்), ரா.வனிதா, க/பெ. சு.ராமகிருஷ்ண ன்(லேட்),  ரா.சுஜாதா, க/பெ. திரு.கே.ராஜேந்திரகுமார்(லேட்) ஆகியோருக்கு தலா ரூ.3 இலட்சத்திற்கான காசோலையினைசெய்தித் துறை அமைச்சர் மு.பெ.சாமிநாதன் வழங்கினார்.

இக்கூட்டத்தில், செய்தி மக்கள் தொடர்புத் துறை இயக்குநர் முனைவர் வீ.ப.ஜெயசீலன், கூடுதல் இயக்குநர் (செய்தி)  வ.சு. சரவணன், கூடுதல் இயக்குநர் (மக்கள் தொடர்பு) மு.பா.அன்புச்சோழன், பத்திரிகையாளர் நல வாரியத்தின் அலுவல் சாரா உறுப்பினர்களான தினத்தந்தி குழுமத்தின் இயக்குநர் சிவந்தி ஆதித்யன் பாலசுப்பிரமணியன், தி இந்து நாளிதழ் துணை ஆசிரியர் பி.கோலப்பன், தி வீக் வார இதழின் முதன்மை சிறப்புச் செய்தியாளர் லெட்சுமி சுப்பிரமணியன்,தீக்கதிர் நாளிதழின் செய்தியாளர் எஸ்.கவாஸ்கர், புதிய தலைமுறை தொலைக்காட்சியின் சிறப்புச் செய்தியாளர் எம்.ரமேஷ், அலுவல்சார் உறுப்பினர்கள் மற்றும் அரசு உயர் அலுவலர்கள் கலந்து கொண்டனர்.

பத்திரிகையாளர் குடும்ப உதவி நிதி திட்டத்தின் கீழ், பணியில் இருக்கும்போது இயற்கை எய்திய பத்திரிகையாளர்களின் குடும்பத்திற்கு முதலமைச்சர் பொது நிவாரண நிதியிலிருந்து வழங்கப்படும்.

நிதி உதவி பெறவுள்ள பயனாளர்களின் விவரங்கள்:

அடுத்த முக்கியமான செய்திகளை தெரிந்துகொள்ள: Click Here-1, Click Here-2