தாமஸ் மலை ஒன்றியம் 9 வது வார்டில் 8 முனைப் போட்டி

செங்கல்பட்டு மாவட்டம் தாமஸ் மலை ஊராட்சி ஒன்றியத்தில் 6ம் தேதி ஊரக உள்ளாட்சி தேர்தல் நடைபெறுகிறது. இதில் 9வது வார்டு ஒன்றிய கவுன்சிலர் பதவிக்கு அதிமுக சார்பில் தாமோதரன், திமுக சார்பில் ரவி ,தேமுதிக சார்பில் விஜயலட்சுமி, பாட்டாளி மக்கள் கட்சி சார்பில் வினோத்குமார், நாம் தமிழர் கட்சி சார்பில் சிட்டு ராஜ் , அம்மா மக்கள் முன்னேற்ற கழகம் சார்பில் ஜெய்சங்கர், மக்கள் நீதி மய்யம் கட்சி சார்பில் சுமதி, சுயேட்சை வேட்பாளராக பூபேஷ் , ஆகியோர் போட்டியிடுகின்றனர்.

தாமஸ் மலை 9 வது வார்டில், திமுக, அதிமுக, பாட்டாளி மக்கள் கட்சி, நாம் தமிழர், அம்மா மக்கள் முன்னேற்ற கழகம் கட்சி, மக்கள் நீதி மய்யம், ஆகியவை நேரடியாக மோதிக் கொள்கிறது. இதனால் இந்த ஒன்றிய கவுன்சில் பகுதியில் பிரசாரம் அனல் பறக்கிறது.