பாஜக எச்சரிக்கையையும் மீறி பதவி விலக மறுத்து வரும் முதல்வர் சித்தராமையா

பாரதிய ஜனதா எச்சரித்த பின்னரும் கர்நாடகா மாநில முதல்வர், ​​சித்தராமையா பதவி விலக மறுத்து எதிர்கேள்வி கேட்டு வருகிறார்.

கர்நாடகா முடா வழக்கு கர்நாடகாவில் நடந்ததாகக் கூறப்படும் முடா ஊழல் தொடர்பான சர்ச்சைகள் நிற்கும் அறிகுறிகள் தென்படவில்லை. இந்த விவகாரத்தில் முதல்வர் சித்தராமையா ராஜினாமா செய்ய வேண்டும் என்பதில் உறுதியாக உள்ள பாஜக, அவர் முதல்வர் பதவியில் இருந்து விலகும் வரை போராட்டம் தொடரும் என்று எச்சரித்துள்ளது. ராஜினாமா செய்ய மாட்டேன் என்று சித்தராமையாவும் கடுமையான அணுகுமுறையைக் காட்டினார்.

கர்நாடகாவில் மைசூர் நகர்ப்புற மேம்பாட்டு ஆணையம் (முடா) நடத்தியதாகக் கூறப்படும் ஊழல் விவகாரத்தில் அரசியல் சலசலப்பு ஏற்பட்டுள்ள நிலையில், தான் எந்தத் தவறும் செய்யவில்லை என்றும், பதவி விலகப் போவதில்லை என்றும் முதல்வர் சித்தராமையா தெரிவித்துள்ளார்.

இந்த வழக்கில் அவர் மீது விசாரணை நடத்த ஆளுநர் தாவர் சந்த் கெலாட் ஒப்புதல் அளித்துள்ளதை அடுத்து பாஜக மாநிலத் தலைவர்  விஜயேந்திரர் முதல்வர் பதவி விலக வேண்டும் என்று  வலியுறுத்தினார். முதல்வர் பதவியில் இருந்து சித்தராமையா விலகும் வரை போராட்டம் தொடரும் என கர்நாடக பாஜக எச்சரிக்கை விடுத்துள்ளது.

ராஜினாமா கோரிக்கை தொடர்பான கேள்விக்கு பதிலளித்த சித்தராமையா, 'மாநில பாஜக தலைவர் பதவியில் இருந்து அவர் (விஜயேந்திரர்) ராஜினாமா செய்ய வேண்டும். அவர் சொல்வதால் நான் ராஜினாமாவைச் சமர்ப்பிக்க வேண்டுமா?

'விஜயேந்திரா கேட்பதால் நான் ராஜினாமா செய்ய வேண்டுமா? நான் ராஜினாமா செய்யக் கோருகிறேன், அவர் பதவி விலகுவாரா? முடா வழக்கில் தான் எந்த தவறும் செய்யவில்லை என்றும், இந்த விவகாரம் நீதிமன்றத்தில் வந்து வாதிடப்படும் என்றும் முதல்வர் மீண்டும் கூறினார். என்ன நடக்கிறது என்று பொறுத்திருந்து பார்ப்போம் என்றார். 

ஹூப்ளியில் செய்தியாளர்களிடம் பேசிய முதல்வர், 'மத்திய அமைச்சர் எச்.டி.குமாரசாமி, பாஜக முன்னாள் அமைச்சர்கள் முருகேஷ் நிராணி, சசிகலா ஜோல், ஜனார்த்தன ரெட்டி ஆகியோர் மீதான வழக்குகள் குறித்து நாளை எங்கள் எம்எல்ஏக்கள், எம்பிகள், எம்எல்சிகள் அனைவரும் ஆளுநரை சந்தித்து தகவல் பெறுவார்கள். நீண்ட நாட்களாக நிலுவையில் உள்ளவர்கள்.

பாஜக மற்றும் ஜனதா தளம் தன்னை குறிவைத்து அரசை சீர்குலைக்க முயற்சிப்பதாக குற்றம்சாட்டிய சித்தராமையா, 'அந்த வழக்குகள் அனைத்திலும் விசாரணை நடத்தப்பட்டு குற்றப்பத்திரிகை நிலுவையில் உள்ளது. என் விஷயத்தில் விசாரணை இல்லை, அறிக்கை இல்லை. மத்திய அமைச்சர் குமாரசாமி வழக்கில், விசாரணை முடிந்து குற்றப்பத்திரிகை தாக்கல் செய்ய ஆளுநரிடம் விசாரணை அமைப்பு அனுமதி கோருகிறது எனவும் குற்றம் சாட்டி உள்ளார்.

இதற்கிடையில், காங்கிரஸ் மேலிடம் முதல்வர் சித்தராமையாவுக்கு தனது ஆதரவைக் காட்டியதுடன், எந்த சூழ்நிலையிலும் அவருக்கு ஆதரவாக நிற்பதாக அறிவித்துள்ளது. முடா வழக்கில் தனக்கு எதிராக வழக்கு தொடர அனுமதியளித்ததை அடுத்து, ஆளுநரின் உத்தரவுக்கு எதிராக சித்தராமையாவும் ரிட் மனு தாக்கல் செய்துள்ளார். இதனிடையே, சித்தராமையா மீதான சிறப்பு நீதிமன்ற விசாரணைக்கு கர்நாடக உயர்நீதிமன்றம் தடை விதித்துள்ளது.