பாஜகவில் இருந்து விலகினார் நடிகை கௌதமி

'எக்ஸ்'-ல் கௌதமி, தனது நிலை குறித்து பதிவிட்டுள்ளதாவது: தான் கடந்த 25 ஆண்டுகளாக பாஜகவில் உறுப்பினராக இருந்ததாகவும், நேர்மையான அர்ப்பணிப்புடன் பணியாற்றியதாகவும் கூறினார்.

20 ஆண்டுகளுக்கு முன்பு சி.அழகப்பன் என்ற நபர் தன்னுடன் நட்பாக பழகியதாக கவுதமி கூறியுள்ளார். "எனது நிலங்களை விற்கும் பொறுப்பை நான் அவரிடம் ஒப்படைத்தேன், சமீபத்தில் தான் அவர் என்னிடம் மோசடி செய்ததை நான் கண்டுபிடித்தேன்

ஒரு நீண்ட சட்ட நடவடிக்கை நடந்து கொண்டிருக்கும்போது, ​​​​தனது கட்சி தனக்கு ஆதரவளிக்கவில்லை என்பதையும், சில மூத்த உறுப்பினர்கள் அழகப்பனுக்கு உதவுவதையும் உணர்ந்து மனம் உடைந்ததாக அவர் கூறினார்.

எஃப்.ஐ.ஆர் பதிவு செய்யப்பட்ட பின்னரும், கடந்த 40 நாட்களாக பாஜகவின் பல மூத்த உறுப்பினர்கள் அழகப்பன் சட்டத்தை ஏமாற்றி தலைமறைவாக இருந்து வருகின்றார் என்பதை உணர்ந்துகொள்வது மிகவும் அதிர்ச்சியாக உள்ளது. முதல்வர் ஸ்டாலினும், காவல் துறையும், நீதித்துறையும் தனக்குத் தேவையான நீதியை வழங்கும் என்ற நம்பிக்கை எனக்கு இன்னும் உள்ளது என்று கூறினார்.

 கடந்த மாதம் சென்னை மாநகர காவல் ஆணையர் அலுவலகத்திற்கு வந்த கவுதமி பரபரப்பு புகார் ஒன்றை அளித்தார்.

தான் சம்பாதித்து 25 கோடி ரூபாய் அளவிற்கு சொத்து சேர்த்ததாகவும், கடந்த 2004 ஆம் ஆண்டு உடல்நிலை பாதிக்கப்பட்டபோது தனது மகளின் எதிர்காலத்திற்காக அனைத்து சொத்துக்களையும் விற்பனை செய்ய அழகப்பன் என்பவரை பவர் ஏஜெண்டாக நியமித்ததாகவும் தெரிவித்துள்ளார்.

தனக்கு சொந்தமான விவசாய நிலத்தை 4 கோடி ரூபாய்க்கு அழகப்பன் விற்பனை செய்து, தனக்கு வெறும் 62 லட்ச ரூபாய் மட்டுமே தனது வங்கிக் கணக்கில் வரவு வைத்ததாகவும், மீதமுள்ள பணத்தை அழகப்பன் தனது குடும்ப உறுப்பினர்களின் வங்கி கணக்கில் மாற்றியதாகவும் தெரிவித்துள்ளார். இதுமட்டுமின்றி தனது 8 ஏக்கர் நிலத்தையும் அபகரித்ததாகவும் குற்றஞ்சாட்டியுள்ளார்.