இலவசங்களை முறைப்படுத்த நிபுணர் குழு அமைக்க வேண்டும்: உச்சநீதிமன்றம்

தேர்தல் நேரத்தில் அரசியல் கட்சிகள் இலவசங்களை வழங்குவதை எதிர்த்து தொடரப்பட்ட வழக்கை உச்சநீதிமன்றம் விசாரித்தது. தலைமை நீதிபதி என் வி ரமணா தலைமையிலான அமர்வு கூறுகையில்,

பொருளாதாரத்தில் குறிப்பிடத்தக்க தாக்கத்தை" ஏற்படுத்துவதால், இலவசங்களின் நன்மை தீமைகளை தீர்மானிக்க குழு தேவை . தேர்தல் பிரச்சாரத்தின் போது அரசியல் கட்சிகள் வழங்கும் இலவசங்கள் குறித்த அறிவிப்புகள் குறித்து நிதி ஆயோக், நிதி ஆயோக், ஆளும் மற்றும் எதிர்க்கட்சிகள், இந்திய ரிசர்வ் வங்கி (ஆர்பிஐ) மற்றும் பிற பங்குதாரர்களைக் கொண்ட உயர்மட்டக் குழுவை அமைத்து அதனை கட்டுப்படுத்துவது குறித்து ஆலோசனைகளை வழங்குவது அவசியம்.

அந்த குழு இலவசங்களை எவ்வாறு ஒழுங்குபடுத்துவது என்பதை ஆய்வு செய்து மத்திய அரசு, தேர்தல் ஆணையம் மற்றும் உச்சநீதிமன்றம் ஆகியவற்றுக்கு அறிக்கைகளை சமர்ப்பிக்க வேண்டும் என்று கூறியது.

நிபுணர் குழு அமைப்பது குறித்து ஏழு நாட்களுக்குள் தங்கள் ஆலோசனைகளை சமர்ப்பிக்குமாறு மத்திய அரசு, தேர்தல் ஆணையம், மூத்த வழக்கறிஞரும், மாநிலங்களவை  எம்பியுமான கபில் சிபல் மற்றும் மனுதாரர்களுக்கு நீதிமன்றம் உத்தரவிட்டது.

இதற்கிடையில், சொலிசிட்டர் ஜெனரல் துஷார் மேத்தா, தேவையற்ற இலவசங்கள் இந்தியாவை "பொருளாதார பேரழிவிற்கு" இட்டுச் செல்லும் என்றார்.

தேர்தல் ஆணையத்தின் "செயலற்ற தன்மை" காரணமாக இது போன்ற ஒரு சூழ்நிலை ஏற்பட்டதாக உச்ச நீதிமன்றம் கூறியதற்கு இலவசங்கள் குறித்த நீதிமன்றத்தின் தீர்ப்பால் அதன் கைகள் கட்டப்பட்டுள்ளதாக தேர்தல் ஆணையம் கூறியது.

அதற்கு பதிலளித்த 3 நீதிபதிகள் கொண்ட அமர்வு, தேவைப்பட்டால், அந்த தீர்ப்பை மறுபரிசீலனை செய்வதாக கூறியது.

இந்த விவகாரத்தில் விவாதம் செய்து சட்டம் இயற்றுவதை நாடாளுமன்றத்திற்கு விட வேண்டும் என்று நீதிமன்றத்தில் சிபல் கூறியதை சுட்டிக்காட்டிய தலைமை நீதிபதி ரமணா எந்த அரசியல் கட்சியும் இலவசங்களுக்கு எதிராக நிற்காது என்று கூறினார்.

"இலவசங்கள் குறித்து நாடாளுமன்றம் விவாதம் செய்யும் என்று நினைக்கிறீர்களா? எந்த அரசியல் கட்சி விவாதம் நடத்தும்? எந்த அரசியல் கட்சியும் இலவசங்களை எதிர்க்காது. அனைவரும் அதை விரும்புகிறார்கள். வரி செலுத்துவோர் மற்றும் நாட்டின் பொருளாதாரம் பற்றி நாம் சிந்திக்க வேண்டும்" என்று தலைமை நீதிபதி ரமணா கூறினார்.