7 நிகழ்ச்சிகள், 8 நகரங்கள், 5,300 கி.மீ: மோடியின் 36 மணி நேர சூறாவளி பயணம்
பிரதமர் மோடியின் 36 மணி நேர பயண திட்டத்தில் 8 நகரங்களில் நடைபெறும் 7 நிகழ்சிகளில் கலந்து கொள்ள 5,300 கி.மீ. பயணிக்கிறார்;
பைல் படம்
இரண்டு மாநிலங்கள் மற்றும் ஒரு யூனியன் பிரதேசத்தில் பல வளர்ச்சித் திட்டங்களைத் தொடங்குவதற்காக ஒரு சூறாவளி சுற்றுப்பயணத்தில், பிரதமர் நரேந்திர மோடி திங்கள்கிழமை தொடங்கி 36 மணி நேரத்தில் 7 நகரங்கள் வழியாக 5,300 கிமீக்கு மேல் பயணம் செய்து 8 நிகழ்ச்சிகளில் கலந்து கொள்கிறார்.
பிரதமர் மோடி டெல்லியில் இருந்து மத்திய இந்தியாவின் மத்தியப் பிரதேசம், பின்னர் தெற்கே கேரளா, அதைத் தொடர்ந்து தாத்ரா மற்றும் நாகர் ஹவேலி மற்றும் மேற்கில் டாமன் மற்றும் டையூ ஆகிய யூனியன் பிரதேசங்களுக்குச் சென்று செவ்வாய்க்கிழமை டில்லி திரும்புவார் என்று அதிகாரிகள் தெரிவித்தனர்.
இது குறித்து பிரதமர் அலுவலகம் வெளியிட்டுள்ள செய்தி குறிப்பில் டெல்லியில் இருந்து கஜுராஹோ வரை சுமார் 500 கி.மீ தூரம் பயணிக்கும் பிரதமர், பின்னர் தேசிய பஞ்சாயத்து ராஜ் தின நிகழ்ச்சியில் பங்கேற்பதற்காக ரேவாவுக்கு செல்வார் .
இதற்குப் பிறகு, அவர் மீண்டும் கஜுராஹோவுக்கு வந்து, திரும்பிச் செல்லும் பயணத்தில் சுமார் 280 கிமீ தூரத்தைக் கடந்து, பின்னர் யுவம் கான்க்ளேவில் பங்கேற்பதற்காக சுமார் 1,700 கிமீ தூரத்தை வான்வழியாக கடந்து கொச்சிக்குச் செல்வார்.
செவ்வாய்க்கிழமை காலை, கொச்சியில் இருந்து திருவனந்தபுரம் வரை சுமார் 190 கிமீ தூரம் பயணிக்கும் பிரதமர் மோடி, வந்தே பாரத் எக்ஸ்பிரஸ் ரயிலை கொடியசைத்து தொடங்கி வைப்பார், மேலும் பல்வேறு திட்டங்களுக்கு அடிக்கல் நாட்டுகிறார்.
அங்கிருந்து சுமார் 1,570 கி.மீ தூரம் பயணித்து சூரத் வழியாக சில்வாசாவுக்கு பிரதமர் செல்வார்.
சில்வாசாவில் உள்ள நமோ மருத்துவக் கல்லூரிக்கு பிரதமர் மோடி சென்று பல்வேறு திட்டங்களுக்கு அடிக்கல் நாட்டுகிறார். அதன் பிறகு, தேவ்கா கடற்பரப்பின் திறப்பு விழாவுக்காக டாமன் செல்லும் அவர், அதைத் தொடர்ந்து சுமார் 110 கி.மீ தூரம் சூரத் செல்கிறார்.
சூரத்திலிருந்து, மேலும் 940 கிலோமீட்டர் தூரத்தை கடந்துபிரதமர் மோடி டெல்லி திரும்புவார்
பரபரப்பான அட்டவணையில் பிரதமர் சுமார் 5,300 கி.மீ தூரம் வான்வழிப் பயணம் மேற்கொள்வார்.. பிரதமரின் முழு பயணமும் மற்ற நிகழ்ச்சிகளும் 36 மணி நேரத்தில் மட்டுமே நடைபெறுகின்றன என்று அதிகாரிகள் தெரிவித்தனர்.
பிரதமர் மோடி தனது உள்நாட்டு மற்றும் சர்வதேச பயணத்தின் போது பிஸியான அட்டவணையை வைத்திருப்பதாக அறியப்படுகிறார், மேலும் அவரது பயணங்கள் முக்கியமான கூட்டங்கள் மற்றும் நிகழ்ச்சிகளால் நிரம்பியிருப்பதை பிரதமர் எவ்வாறு உறுதிசெய்கிறார் என்பதை அதிகாரிகள் அடிக்கடி எடுத்துக்காட்டுகின்றனர்.