ராமர் கோவில் கும்பாபிஷேக விழா: எம்.எஸ்.தோனிக்கு அழைப்பிதழ்

உத்திர பிரதேசத்தில், கட்டப்பட்டு வந்த அயோத்தி ராமர் கோவிலின் கும்பாபிஷேகம் வரும் 22ஆம் தேதி மிக பிரம்மாண்டமாக நடைபெற உள்ளது. இதற்கான ஏற்பாடுகளை ஸ்ரீ ராம ஜென்ம பூமி அறக்கட்டளை சேர்ந்தவர்கள் செய்து வருகின்றனர். மேலும் கும்பாபிஷேகத்தை முன்னிட்டு, அரசியல் தலைவர்கள், ஆன்மீக பெரியோர், மற்றும் சினிமா, கிரிக்கெட் பிரபலங்களுக்கு ஸ்ரீ ராம ஜென்மபூமி அறக்கட்டளை சார்பில் அழைப்பிதழ் கொடுக்கப்பட்டு வருகிறது.

முகேஷ் அம்பானி, அமிதாப் பச்சன், ரத்தன் டாடா, ரஜினிகாந்த் என்று பல்வேறு தரப்பினரும் இந்த நிகழ்வில் கலந்துகொள்ள அழைக்கப்பட்டுள்ளனர். பிரதமர் நரேந்திர மோடி கலந்து கொண்டு இந்த கோயிலை திறந்து வைக்கும் இந்த நிகழ்வில் நாடு முழுவதும் 7,000 முக்கிய பிரமுகர்கள் கலந்து கொள்ள உள்ளனர்.

ராமர் கோவில் கும்பாபிஷேகம் ஜனவரி 22-ம் தேதி நடைபெறும், அதே நேரத்தில் இந்து மரபுகளின்படி விரிவான வேத சடங்குகள் ஜனவரி 16, செவ்வாய்க்கிழமை தொடங்கி ஏழு நாட்களுக்கு மேற்கொள்ளப்படும். ஸ்ரீ ராம் ஜன்மபூமி தீர்த்த க்ஷேத்ராவின் பொதுச் செயலாளர் சம்பத் ராய் படி, சிலை. ஜனவரி 18 ஆம் தேதி கோவிலின் 'கர்ப் கிரிஹா'வில் ராமர் அதன் ஸ்தானத்தில் வைக்கப்பட்டு, ஜனவரி 22 ஆம் தேதி மதியம் 12.20 மணிக்கு 'பிரான் பிரதிஷ்டை' நடைபெறும் ,

அன்றைய தினம் கோயில் கருவறையில் ராம் லல்லா (ராமரின் குழந்தை வடிவம்) சிலை பிரதிஷ்டை செய்யப்பட உள்ளது. ராமர் கோயில் கும்பாபிஷேக விழாவை முன்னிட்டு இந்தியா முழுவதும் கொண்டாட்டங்கள் திட்டமிடப்பட்டுள்ளன. 

இந்த வரலாற்று தருணத்தை குறிக்கும் வகையில் தீபங்களை ஏற்றி வைக்குமாறு பிரதமர் மக்களை ஏற்கனவே வலியுறுத்தி உள்ளார். மேலும் நாடு முழுவதும் உள்ள கோயில்களில் சிறப்பு பூஜைகளை பாஜக ஏற்பாடு செய்து வருகிறது.

இந்த நிலையில் தான் தற்போது இந்திய அணிக்கு டி20 மற்றும் ஒருநாள் கிரிக்கெட் உலகக் கோப்பையை வென்று கொடுத்த முன்னாள் கேப்டன் மகேந்திர சிங் தோனிக்கு கோவில் கும்பாபிஷேக நிகழ்வில் கலந்து கொள்ள அழைப்பிதழ் கொடுக்கப்பட்டுள்ளது. உலகக் கோப்பை வென்ற கேப்டனுக்கு ராஞ்சியில் உள்ள ஜார்கண்ட் மாநில கிரிக்கெட் சங்க (ஜேஎஸ்சிஏ) மைதானத்தில் ராஷ்ட்ரிய ஸ்வயம்சேவக் சங்கத்தின் (ஆர்எஸ்எஸ்) இணை மாகாண செயலாளர் தனஞ்சய் சிங் மற்றும் பாஜக தலைவர் கர்மவீர் சிங் ஆகியோர் அழைப்பிதழை வழங்கினர்.

இதற்கு முன்னதாக இந்திய அணியின் முன்னாள் வீரரான ஜாம்பவான் சச்சின் டெண்டுல்கருக்கு அழைப்பு விடுக்கப்பட்டுள்ளது.