மக்களவைத் தேர்தல் இறுதி முடிவு: பாஜக 240, காங்கிரஸ் 99 இடங்களிலும் வெற்றி

மக்களவைத் தேர்தல் இறுதி முடிவாக பாஜக 240 இடங்களிலும், காங்கிரஸ் 99 இடங்களிலும் வெற்றிபெற்றுள்ளன. முழு பட்டியலை பார்ப்போம்.

நாடாளுமன்ற லோக்சபா தேர்தலில் பாரதிய ஜனதா கட்சி 240 இடங்களில் வெற்றி பெற்றுள்ளதாக  தேர்தல் ஆணையத்தின் தரவுகள் தெரிவித்துள்ளன. 2014 முதல் பிரதமர் நரேந்திர மோடியின் கீழ் நாடாளுமன்ற தேர்தல்களில் தொடர்ச்சியான வெற்றிகளுடன் நாட்டின் அரசியலில் ஆதிக்கம் செலுத்தும் ஆளும் கட்சியாக உள்ளது. ஆனால் பெரும்பான்மைக்கு 272 என்ற நிலையில் தற்போது மத்தியில் ஆட்சி அமைக்க அதன் என்டிஏ கூட்டணிகளின் ஆதரவை நம்பியிருக்க வேண்டியுள்ளது.

இதனிடையே காங்கிரஸ் தேர்தல் புத்துயிர் பெறுவதற்கான அறிகுறிகளைக் காட்டியுள்ளது. மக்களவைத் தேர்தல் முடிவுகளுக்கு முன்னதாக கருத்துக் கணிப்பு மற்றும் தேர்தலுக்குப் பிந்தைய கருத்துக் கணிப்புகளால் 99 இடங்களை வென்று வலுவான மறுபிரவேசம் செய்துள்ளது.

2019 பொதுத் தேர்தலுடன் ஒப்பிடும்போது காங்கிரஸ் தனது இடங்களின் எண்ணிக்கையை கிட்டத்தட்ட இரட்டிப்பாக்கியுள்ளது. மறுபுறம், முந்தைய மக்களவைத் தேர்தலில் 303 இடங்களை வென்ற பாஜக, கிட்டத்தட்ட 20 சதவீத தொகுதிகளை இழந்துள்ளது.

தேர்தலுக்கு பிந்தைய கருத்துக்கணிப்புகள் தேசிய ஜனநாயக கூட்டணி 350 இடங்களுக்கு மேல் வெல்லும் என்று கணித்திருந்தன. இருப்பினும், பாஜக தோல்வியடையும் என்று கூறிய எதிர்க்கட்சிகளின் கூட்டணி, உத்தரபிரதேசம் மற்றும் மகாராஷ்டிரா போன்ற மாநிலங்களில் ஆக்கப்பூர்வமான தேர்தல் வேலைகளை செய்துள்ளதாகத் தெரிய வருகிறது.

உத்தரப் பிரதேசத்தில் சமாஜ்வாதி கட்சி 37 இடங்களில் வெற்றி பெற்று தனிப்பெரும் கட்சியாக உருவெடுத்துள்ளது. காங்கிரஸ் 6 இடங்களில் வென்றது. 2014 மற்றும் 2019 ஆம் ஆண்டுகளில் மகத்தான வெற்றிகளைப் பெற்ற பாஜக, 33 இடங்களை வென்றுள்ளது.

மகாராஷ்டிராவில் காங்கிரஸ் 13 இடங்களிலும், சிவசேனா 9 இடங்களிலும், தேசியவாத காங்கிரஸ் 8 இடங்களிலும் வெற்றி பெற்றன. பாஜக தலைமையிலான கூட்டணி 17 இடங்களில் வென்றுள்ளது.

ஒடிசாவில் 21 மக்களவைத் தொகுதிகளில் 20 இடங்களை வென்றுள்ளது.

ஆந்திராவில் மொத்தமுள்ள 25 மக்களவைத் தொகுதிகளில் 21 தொகுதிகளில் பாஜக, அதன் கூட்டணிக் கட்சிகளான தெலுங்கு தேசம், ஜனசேனா கூட்டணி கட்சிகள் வெற்றி பெற்றுள்ளன.

காங்கிரஸ் தலைவர் மல்லிகார்ஜுன கார்கே செய்தியாளர் கூட்டத்தில் தெரிவிக்கையில், இந்த தேர்தல் முடிவுகள் 'ஜனதா கா முடிவு'. இது மக்களுக்கும், ஜனநாயகத்துக்கும் கிடைத்த வெற்றி. மோடிக்கும் மக்களுக்கும் இடையேயான போராட்டம் என்று நாங்கள் கூறிக் கொண்டிருந்தோம். 18-வது மக்களவைத் தேர்தலில், முடிவை தாழ்மையுடன் ஏற்றுக்கொள்கிறோம். மக்கள் எந்த கட்சிக்கும் முழு பெரும்பான்மையை வழங்கவில்லை. ஒரு நபருக்கு வாக்களிக்குமாறு பாஜக கேட்டது, மக்கள் தீர்ப்பு மோடிக்கு எதிராக சென்றுள்ளது. இது அவரது அரசியல் மற்றும் தார்மீக இழப்பு. தனது பெயரில் வாக்கு கேட்ட நபர், அது அவருக்கு மிகப்பெரிய இழப்பு. இருப்பினும், பிரதமர் மோடி தேர்தல் முடிவுகளை "இந்திய வரலாற்றில் முன்னோடியில்லாத தருணம்" என்று கூறியுள்ளார்.

பிரதமர் மோடி தனது ட்விட்டர் பக்கத்தில், தேசிய ஜனநாயக கூட்டணி மீது நாட்டு மக்கள் தொடர்ந்து மூன்றாவது முறையாக நம்பிக்கை வைத்துள்ளனர். இது இந்திய வரலாற்றில் முன்னெப்போதும் இல்லாத தருணம். எனது குடும்பத்தினரின் அன்பு மற்றும் ஆசீர்வாதங்களுக்கு நன்றி தெரிவித்துக் கொள்கிறேன். நாட்டு மக்களின் விருப்பங்களை நிறைவேற்ற, புதிய ஆற்றல், புதிய உற்சாகம் மற்றும் புதிய தீர்மானங்களுடன் நாம் முன்னேறுவோம் என்று நான் உறுதியளிக்கிறேன் என்று குறிப்பிட்டுள்ளார்.

மக்களவைத் தேர்தலில் அரசியல் கட்சிகளின் முழு பட்டியல்:

பாஜக - 240

காங்கிரஸ் - 99

சமாஜ்வாதி - 37

திரிணாமுல் காங்கிரஸ் - 29

திமுக - 22

தெலுங்கு தேசம் - 16

ஜேடி(யு) - 12

சிவசேனா (உத்தவ் பாலாசாகேப் தாக்கரே) - 9

தேசியவாத காங்கிரஸ் (சரத் பவார்) 7 இடங்களில் முன்னிலை

சிவசேனா - 7

லோக் ஜனசக்தி கட்சி (ராம் விலாஸ்) - 5

ஒய்.எஸ்.ஆர்.சி.பி - 4

ராஷ்ட்ரீய ஜனதா தளம் - 4

சிபிஐ(எம்) - 4

இந்திய யூனியன் முஸ்லிம் லீக் - 3

ஆம் ஆத்மி - 3

ஜார்க்கண்ட் முக்தி மோர்ச்சா - 3

ஜனசேனா கட்சி - 2

சிபிஐ(எம்எல்)(எல்) - 2

மதச்சார்பற்ற ஜனதா தளம் - 2

விடுதலை சிறுத்தைகள் கட்சி - 2

சிபிஐ - 2

ராஷ்ட்ரீய லோக் தளம் - 2

தேசிய மாநாடு - 2

ஐக்கிய மக்கள் கட்சி, லிபரல் - 1

அசாம் கண பரிஷத் - 1

இந்துஸ்தானி அவாம் மோர்ச்சா (மதச்சார்பற்றது) - 1

கேரள காங்கிரஸ் - 1

புரட்சிகர சோசியலிஸ்ட் கட்சி - 1

என்சிபி - 1

மக்கள் குரல் கட்சி - 1

சோரம் மக்கள் இயக்கம் - 1

சிரோமணி அகாலி தளம் - 1

ராஷ்ட்ரிய லோக்தந்திரிக் கட்சி - 1

பாரத் ஆதிவாசி கட்சி - 1

சிக்கிம் கிராந்திகாரி மோர்ச்சா - 1

மறுமலர்ச்சி திராவிட முன்னேற்றக் கழகம் - 1

ஆசாத் சமாஜ் கட்சி (கன்ஷிராம்) - 1

அப்னா தள் (சோனிலால்) - 1

ஏஜேஎஸ்யூ கட்சி - 1

ஏஐஎம்ஐஎம் - 1

சுயேட்சை - 7